හැටන් රංජිත් රාජපක්ෂ –
ඉදිරියේදි පැවැත්වෙන මහ මැතිවරණයේදි සමගි ජන බලවේගය සමග එක්වී තරග කිරීමට මෙතෙක් ජනාධිපතිවරයා සමග එක් වී සිටි තොණ්ඩමන්ගේ වතු කම්කරු කොංග්රසයයේ සූදානමට දැනට සමගි ජන බලවේගය හා එක් වී සිටින දමිල ප්රගතිශීලී සන්ධානය සිය විරෝධතාවය පල කළ බව එම සන්ධානයේ නියෝජ්ය නායක වී රාධක්රිෂ්ණන් පවසයි.
ලංකා කම්කරු කොංග්රසය සමගි ජන බලවේගය සමග එක් වී කටයුතු කිරීමට මූලික අඩිතාලම දමා ගැනීම සඳහා ශ්රි ලංකා මුස්ලිම් කොංග්රසයේ නායක රවුෆ් හකීම් සමග සාකච්ඡා පවත්වා ඇති බව ද රාධක්රිෂ්ණන් හෙළි කරයි.
මාධ්යට විශේෂ ප්රකාශයක් කරමින් වි.රාධාක්රිෂ්ණන් අද (25) පැවසුවේ ලංකා කම්කරු කොංග්රසයේ නාකයින් පැවති ජනාධිපතිවරණයේදී ජනාධිපති අපේක්ෂක රනිල් වික්රමසිංහ වෙත සහයෝගය දැක්වූ බවත්, එහිදී ඔහුට නුවරඑලිය දිස්ත්රික්කයෙන් වැඩි ජන්ද ප්රමාණයක් නොලැබුන බවත්ය.
ලංකා කම්කරු කොංග්රසය මහ මැතිවරණයේදි සමගි ජන බලවේගය සමග එක්ව නුවරඑලිය, බදුල්ල, රත්නපුර, මහනුවර, කෑගල්ල ඇතුළු තවත් ප්රදේශ රැසකට තරග කිරීමට සැලසුම් කර ඇති බවත් මේ පිලිබදව සමගි ජන බලවේගයේ නායක සජිත් ප්රේමදාස දැනුවත් කර ඇති බවත් වි.රාධාක්රිෂ්ණන් කියා සිටියේය.
තවද ජනාධිපතිවරණයේදි අනෙකුත් අපෙක්ෂකයන් සහයෝගය දැක්විමට සමගි ජනබලවේගය හැර ගිය කිසිදු සමාජිකයෙකු යලිත් සමගි ජන බලවේගය සමග එක් කර ගැනීමට කටයුතු කළහොත් එයට දමිල ප්රගතිශිලි සන්ධානය සිය විරෝධය දක්වන බවද වි.රාධාක්රිෂ්ණන් වැඩිදුරටත් පැවසිය.
