මීට කලින් පැවැති ලංකා ප්රිමියර් ලීග තරගාවලියක් අතර තුර ක්රීඩකයන් දෙදෙනෙකුට ඩුබායිහි සිට දුරකථනයෙන් තරග පාවා දීමක් ගැන කතා කළැයි කියන හිටපු ක්රීඩක සචිත්ර සේනානායක හෙට අනිද්දා අපරාධ නීතිය යටතේ අත් අඩංගුවට ගනු ඇතැයි වාර්තා වේ.
මේ දිනවල ලංකාවට පැමිණ සිටින අයි.සී.සී. දූෂණ මර්ධන ඒකක ප්රධානී ඇලෙක්ස් මාෂල් මේ පිළිබඳව නීතිපතිවරයාගේ උපදෙස් ලබා ගෙන ඇත.
මේ වනවිට සචිත්ර සේනානායකට මාස 03ක කාලයක් සඳහා විදෙස් ගමන් තහනම් කරමින් කොළඹ මහේස්ත්රාත් අධිකරණය තහනම් නියෝගයක් නිකුත් කර තිබේ.
අපරාධ චෝදනා යටතේ තරග පාවාදීමේ විමර්ශනවලට අදාලව අධිකරණයට කරුණු වාර්තා කිරීමෙන් පසු මෙම නියෝගය නිකුත් කර ඇත.
මේ සමග තවත් සිද්ධි හා නම් කිහිපයක් එළියට එනු ඇතැයිද වාර්තා වේ.
මෙවර ලංකා ප්රිමියර් ලීගයේ විව්ධ තනතුරු වලින් පෙනී සිටිමින් කණ්ඩායම් වලට අනුයුක්තව ක්රීඩකයන් සමග සමීපව කටයුතු කරන ක්රීඩක කළමනාකරුවන්, මාධ්යවේදීන් හා මීට පෙර අයි.සී.සි ය මගින් තරග පාවා දීම් පිළිබඳ දඬුවම් ලබා දුන් හා සැකයට භාජනය වූ ඇතුළු පිරිසක් ගැනද අයිසීසියේ අවධානය යොමුව ඇතැයිද වාර්තා වේ.
මේ අතර ලංකා ප්රිමියර් ලීගය ක්රීඩා ඇමතිවරයාගේ අනුමැතිය නොළැබුණු හා ක්රීඩකයන් විසින් අදාල බදු රජයට නොගෙවූ සංවිධායක අයිපීජී සමාගමේ පූර්ණ ග්රහණයට ලක්වූ තරගාවලියක් බවට පත්ව තිබීම ක්රීඩා අමාත්යාංශයේද අවධානයට ලක්ව තිබේ.
කරුණු මෙසේ සිදු වීම පිළිබඳව අදහස් දක්වන ක්රිකට් ලෝලීන් පවසන්නේ ක්රීඩාවේ ජීව ගුණය රැක ගැනීම ක්රීඩා අමාත්යාංශයේ වගකීමක් බවය.
