ව්යාපාර නායක දිනේෂ් ෂාෆ්ටර් ඝාතනය සම්බන්ධයෙන් පවුලේ ඥාතීන් ඇතුළු 75 දෙනෙකුගෙන් ප්රකාශ සටහන් කරගෙන ඇති බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිහාල් තල්දූව පවසයි.
ඔහු පැවසුවේ ඝාතනයට සම්බන්ධ නිශ්ඡිත සැකකරුවන් මෙතෙක් හඳුනාගෙන නොමැති බවය.
“දිනේෂ් ෂාෆ්ටර් ඝාතනය සම්බන්ධයෙන් පොලිසිය පවුලේ සියලු දෙනාම ආවරණය වන පරිදි ප්රකාශ සටහන් කරගෙන තිබෙනවා. අපරාධ පරීක්ෂණ දෙපාර්තමේන්තුව යටතේ ඇති මනුෂ්ය ඝාතන සහ සංවිධානාත්මක අපරාධ විමර්ශන කොට්ඨාසය මගින් පරීක්ෂණ පවත්වනවා.“
“පරීක්ෂණය තවම ක්රියාත්මකයි. 75කට වැඩි පිරිසකගෙන් සටහන් කරගත් ප්රකාශ හරහා ලැබී ඇති නව තොරතුරු මත තවදුරටත් සාක්ෂි විමසීම සිදු කෙරෙනවා. “
“මේ වන තෙක් මේ සම්බන්ධයෙන් නිශ්චිතවම කිසිදු සැකකරුවෙකු හඳුනාගෙන නැහැ.“ ඔහු මාධ්යයට වැඩිදුරටත් කියා සිටියේය.
