මහත් අසිරියෙන් ලොව පුරා කිතුණු බැතිමත්හු නත්තල සමරති. එහෙත් නත්තලට පෙර දා ස්වකීය කුසින් වැදූ දරු පැටවුන් දෙදෙනාත් ඔවුන්ට ජීවිතය දුන් සැමියාත් වළ දැමූ සොහොනට ගොස් නත්තල දා සැඟවී සිටින මවකගේ ජීවිත ඛේදවාචකයය බීබීසීය විසින් වාර්තා කර තිබිණි.
අපගේ මතකයෙන් බැහැරව යන මහා ඛේදවාචකය වූ පාස්කු ප්රහාරයේ වින්දිතයින්ගේ මරණීය ජීවිතය වේදනාව නත්තලෙන් සැඟව ජීවත්වන ඒ අම්මා බීබීසියට කීවාය.
ඇය නිරංජලී යසවර්ධන ය. වර්ෂ 2019 අප්රේල් 21 වැනිදා කටුවාපිටිය දේවස්ථානයේ සිදු වූ බෝම්බ පිපිරීමෙන් බරපතල තුවාල ලැබූ ඇයට ඇයගේ දියණියන් දෙදෙනාත් සැමියාත් අහිමි විය.
අඩුම තරමින් ඔවුන්ගේ අවසන් මොහොත දැකගැනීමට ඇය වාසනාවන්ත වූයේ නැත. ඇය ඒ වනවිට බරපතල තුවාල සහිතව රෝහල්ගතව සිටියාය.
ඒ දැඩි වේදනාව ඇය බීබිසී ය වෙත ප්රකාශ කරන්නේ ඇසූවන් තුළ මේ අත්හල සහෝදර මිනිසුන් පිළිබඳව වරදකාරී හැඟීමක් උපදවමිනි.
“කැරොල් එකක් ඇහෙකොට මට දුක හිතෙනවා. මම ගොඩක් වෙලාවට මම කරන්නේ 24 වැනිදා හවසට මම කරන්නෙ දරුවෙ දෙන්නයි ස්වාමිපුරුෂයයි මිහිදන් කරලා තියන සොහොන් බිමට ගිහිල්ලා ඇවිත් නත්තල් දවසේ ගේ ඇතුළට වෙලා ඉන්නවා. නැතිනම් නත්තල් සිරිය නැති ග්රාමීය පැත්තකට ගිහිල්ලා ඉන්නවා.“
අපිට මේ ප්රහාරය වෙච්චි 2019 අවුරුද්දේ හැමෝම අත්වැල් බැඳගෙන අපිත් එක්ක හිටියා. දැන් ඒ සුරංගනා කතා මොනවත්ම නෑ. පාස්කු කියන වචනය ඇහෙනවටත් මම කැමති නෑ. පාස්කු කියලා ඇහෙනකොට වෙන කරගන්න දෙයක් නෑ. මම ඇඟිලි දෙකෙන් කන් දෙක වහගන්නවා. “
මගේ චූටි දුවයි ලොකු දුවයි දෙන්නම ඇස් අරගෙන හිටිය. චූටි දුවගෙ අත අල්ලලා නාඩි අලල්ලා බලුවා දෙසැරයක්. මට මගෙ චූටි දූව දැනුනෙ නෑ. ඒත් මගෙ මහත්තයට, ලොකු දුවට පල්ලිය ඇතුළෙදි පණ තිබුණා.
මගෙ හිස් කබල් කොටසක් අයින් කරලා ටයිටේනියම් ප්ලේට් එකක් දාලා තියෙන්නෙ. මට මගෙ දුවලා දෙන්නව මහත්තයාව අවසන් වතාවට බලන්න බැරි වුනා. ඒක මගෙ ජීවිතේ ජීවත් වෙලා ඉන්නකම් මතක් වෙන ගානෙ පසුතැවෙන කාරණාවක්.
අපට සාධාරණයක් මේ වෙනකම් සිද්ධ වෙලා නෑ 2023 අප්රේල් 21ට මේ ප්රහාරයට අවුරුදු 04ක්. නමුත් අදටත් කිිසම කෙනෙක් වරදකාරයෙක් නෑ.
ඒ කොමිසම මේ කොමිසම කියලා පත් කළා. දේශපාලන වේදිකාවල මහා ලොකුවට එදා කතා කළා. අපි බලයට පත් වුනාම සාධාරණය ඉෂ්ට කරනවා කිව්වා. එතකොට ඒ බලයට ආපු මිනිස්සු අද වෙනකොට වචනයක්වත් කතා කරන්නෙ නෑ. මේකෙ හැමෝගෙම දෑත්වල ලේ ගෑවිලා තියනවා.“
ඇය කියන කතාව ගැන යලිත් හිතන්න… මේ රටේ මහා සමාජයට අප කියන්නේ එයයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
