ලලිත් චාමින්ද –
අබිරහස් ලෙස මිය ගිය ප්රකට ව්යාපර නායක දිනේෂ් ශාෆ්ටර්ගේ මළ සිරුර පිළිබඳ දෙවැනි පශ්චාත් මරණ පරීක්ෂණය කරාපියේ ශික්ෂණ රෝහලේ දී මේ වනවිට ආරම්භ කර තිබේ.
කොළඹ විශ්වවිද්යාලයේ අධිකරණ වෛද්ය විද්යාව පිළිබඳ මහාචාර්ය අසේල මෙන්ඩිස් , රුහුණ විශ්වවිද්යාලයේ අධිකරණ වෛද්ය විද්යාව පිළිබඳ මහාචාර්ය යූ.සී.පී පෙරේරා, පේරාදෙණිය විශ්වවිද්යාලයේ අධිකරණ වෛද්ය විද්යාව පිළිබඳ මහාචාර්ය දිනේෂ් ප්රනාන්දු , කරාපිටිය ශික්ෂණ රෝහලේ අධිකරණ වෛද්ය විශේෂඥ පී.ආර් රුවන්පුර හා මහනුවර ජාතික රෝහලේ අධිකරණ වෛද්ය විශේෂඥ එම් සිවසුබ්රමනියම් යන විශේෂඥ කමිටුව විසින් මෙම අධිකරණ වෛද්ය පරීක්ෂණය පවත්වමින් ඇත.
දෙවැනි මරණ පරීක්ෂණය ගොඩගනු ලැබූ දිනේෂ් ශාෆ්ටර්ගේ දේහය යහපත් මට්ටමින් පවතින බවත්, ඊයේ දිනයේ මුළු දේයහම සී.ටී.ස්කෑන් පරීක්ෂාවකට ලක් කළ බවත් කරාපිටිය රෝහල් ආරංචි මාර්ග කියයි.
අද දවස තුළ පශ්චාත් මරණ පරීක්ෂණය නිමා කිරීමට විශේෂඥ වෛද්ය මණ්ඩලය විසින් සැලසුම් කර ඇතැයි වාර්තා වේ.
පසුගිය දෙසැම්බර් 15 වැනිදා දිනේෂ් ශාෆ්ටර් බොරැල්ල පොදු සුසාන භූමිය තුළ සිය මෝටර් රථයේම දෑත් සහ ගෙළ සිරකර බැද දමා සිටියදී සොයා ගන්නේ ඔහුට අයත් ආයතනයක නිලධාරියෙකු විසිනි.
ජාතික රෝහලේ දැඩි සත්කාර ඒකකයට ඇතුළත් කළ ඔහු එදිනම රාත්රියේ මිය ගියේ ය.
මෙම මරණය දැඩි රටේ දැඩි ආන්දෝලනයකට තුඩු දුන්නේය.
මේ අතරතුර දිනේෂ් ශාෆ්ටර්ගේ මූලික මරණ පරීක්ෂණ වාර්තාවෙන් අධිකරණයට දැනුම් දුන්නේ , තන්තුවකින් ගෙළ සිරවීමෙන් ඔහුගේ මරණය සිදුව ඇති බවටය.
එහෙත් විෂ වේද වාර්තා ලැබීමෙන් පසු ශාෆ්ටර්ගේ මරණයට තවත් හේතුවක් බලපා ඇති බවට අධිකරණ වෛද්ය නිලධාරියා තම සම්පුර්ණ පශ්චාත් මරණ පරීක්ෂණ වාර්තාවෙන් අධිකරණය වෙත දැනුම් දුන්නේ ය.
එහි සඳහන් කර තිබුණේ, සයනයිඩ් නැමති විෂ ශරීරගත වීම ද දිනේෂ් ෂාෆ්ටර් මහතාගේ මරණයට හේතුවී ඇති බවයෙ.
සයනයිඩ් විෂ දැමූ කෙටි ආහාරයක් ඔහු ආහාරයට ගෙන ඇති බවත් , ඔහුගේ ආමාශයෙන් මෙන්ම රුධිරයේද සයනයිඩ් විෂ හමුවූ බවත් එහිදී ප්රකාශ විය.
එහිදී ශාෆ්ටර් ගේ පවුලේ සාමාජිකයින් වෙනුවෙන් පෙනී සිටි ජනාධිපති නිතිඥ අනූජ ප්රේමරත්න ප්රකාශ කලේ මරණ පරීක්ෂණ වාර්තාවල පරස්පරතා පවතින බවයි.
මේ අනුව අධිකරණය කොළඹ විශ්වවිද්යාලයේ වෝහාරික වෛද්ය විද්යාව පිළිබඳ මහාචාර්ය අසේල මෙන්ඩිස්ගේ ප්රධානත්වයෙන් යුතු පංච පුද්ගල විශේෂඥ කමිටුවක් පත් කළේ, ශාෆ්ටර්ගේ මරණය සම්බන්ධයෙන් වාර්තාවක් ඉදිරිපත්කරන ලෙස නියෝග කරමිනි.
