-
ඉන්දියා – ශ්රී ලංකා ඒකාබද්ධ මෙහෙයුම පල දරයි… සැකකරුවන් සහ මත් ද්රව්ය තොගය ඉදිරි පරීක්ෂණ සඳහා ශ්රී ලංකාවට භාර දීටම නියමිතයි!
අයිස් මත්ද්රව්ය කිලෝ 500ක් පටවාගෙන ශ්රී ලංකා ධජය සහිතව යාත්රාකරමින් තිබූ ධීවර යාත්රා දෙකක් ඉන්දීය නාවික හමුදාව විසින් ඉන්දීය සාගරයේදී අත් අඩංගුවට ගෙන තිබේ.
ඉන්දීය නාවික හමුදාව සහ ශ්රී ලංකා නාවික හමුදාව එක්ව සම්බන්ධීකරණයෙන් මෙම මෙහෙයුම දියත් කළේ මෙම යාත්රා මගින් මත්ද්රව්ය ප්රවාහනය කළ හැකි බවට ශ්රී ලංකා නාවික හමුදාවෙන් ලැබුණු විශ්වාසනීය ඔත්තුවක් මත බව ඉන්දීය නාවික හමුදා ප්රකාශයෙක් මාධ්ය වෙත හෙළි කර තිබේ.
තොරතුරුත් සමග වේගයෙන් ක්රියාත්මක වූ ඉන්දීය නාවික හමුදාව, සැකකටයුතු බෝට්ටුවල ගමන් බිමන් සොයා ගැනීමට ශ්රී ලංකා බලධාරීන් සමඟ සමීපව කටයුතු කරමින් ගුවන් බලය යොදා ගනිමින් පුළුල් නිරීක්ෂණ ප්රයත්නයක් දියත් කර ඇත.
නොවැම්බර් 24 සහ 25 යන දෙදින තුළ ඉන්දීය නාවික හමුදා භටයින් විසින් යාත්රා දෙකටම සාර්ථකව ගොඩ වූ අතර, එහිදී අයිස් කිලෝග්රෑම් 500 ක් පමණ අත්අඩංගුවට ගැනීමට හැකි වී තිබේ.
එම යාත්රා දෙක, එහි කාර්ය මණ්ඩලය සහ අත්අඩංගුවට ගත් මත්ද්රව්ය ඉදිරි නීතිමය කටයුතු සඳහා ශ්රී ලංකා බලධාරීන් වෙත භාර දීමට නියමිතය.
