දිනසේන රතුගමගේ
-
චාවකච්චේරිය රෝහල වැසෙයි… වෛද්ය අධිකාරීවරයා අත් අංගුවට ගැනීමට පොලිසිය පැමිණෙයි… මිනිස්සු චාවකච්චේරිය රෝහල වටලාගෙන වෛද්ය අධිකාරීවරයා ආරක්ෂා කරති…
-
තමන්ට පෙර තමන්ට පහර දුන් මැර දොස්තරලා අත් අඩංගුවට ගන්නැයි වෛද්ය අධිකාරීවරයා ඉල්ලයි…
-
වෛද්ය අධිකාරීවරයාට සහාය පල කරමින් වාචවච්චේරියේ වෙළෙඳ සංගමය කඩ වසා හර්තාලයක් අරඹයි… පාරවල් පුරා උද්ඝෝෂණ..
අද (08) උතුරු පළාතේ සියලුම වෛද්යවරුන් එක් දින වැඩ වර්ජනයක් ප්රකාශයට පත් කොට තිබේ.
අද ( 8 ) පෙරවරු 8 සිට හෙට ( 9 ) පෙරවරු 8 දක්වා මෙම වැඩ වර්ජනය ක්රියාත්මක වන බවත් මේ කාලය ඇතුළත ඉතා හදිසි හා අත්යවශ්ය සේවා පමණක් සිදු කෙරෙන බවත් රජයේ වෛද්ය නිලධාරීන්ගේ සංගමයේ උතුරු පළාත් නියෝජිතයා ප්රකාශ කරයි.
යාපනයේ චාවාකච්චේරී රෝහලට අලුතෙන් පත් කරණ ලද වෛද්ය අධිකාරීවරයාගේ ප්රකාශයන් නිසා දැනට සේවයේ නිරත උතුරේ වෛද්යවරුන්ගේ ජීවිත දැඩි අවදානමකට ලක් වී ඇති බව කියන එම සංගමය ඔහුට එරෙහිව නීතිමය ක්රියා මාර්ගයක් ගන්නා ලෙසද ඉල්ලා සිටියි.
මෙම වෛද්ය අධිකාරීවරයා පත් වී චාවකච්චේරීය රෝහලට පැමිණ උතුරේ සෞඛ්ය බලධාරින් රෝගීන්ට ලැබිය යුතු දේ හොරා කමින් විවිධ දූෂණ හා අක්රමිකතා සිදු කරමින් සිටින ආකාරය පිළිබදව වීඩියෝවක් සමාජ මාධ්යයට මුදා හැරීමත් සමගම ඊට උරණ වූ යාපනයේ වෛද්යවරුන් පිරිසක් චාවාකච්චේරී රෝහලට පැමිණ වෛද්යවරයාගේ දුරකතනය පැහැර ගැනීමට තැත් කොට ඔහුට පහර දී තිබේ.
රාමනාදන් අර්ජුනා චාවාකච්චේරී රෝහලේ වෛද්ය අධිකාරීවරයා අත් අඩංගුවට ගැනීම සදහා මේ වන විට වරෙන්තුවක් නිකුත් කොට ඇති අතර රෝහල අසලට පැමිණ සිටින අති විශාල ජනකායක් නිසා වෛද්යවරයාව අත් අඩංගුවට ගැනීමට නොහැකි වී තිබේ.
මේ වන විට චාවාකච්චේරී රෝහල වසා දමා ඇති අතර වෛද්ය අධිකාරීවරයා පමණක් රෝහල තුළ සිටිමින් රාජකාරී කරගෙන යයි.
රාමනාදන් අර්ජුනා වෛද්යවරයා ප්රකාශ කරන්නේ තමන් ප්රකාශ කලේ සත්ය පමණක් මිස වෙනත් අය අපහසුතාවයකට පත්වන අන්දමේ ප්රකාශ නොවන බවය.
තමන් අත් අඩංගුවට ගැනීමට පෙර තමන්ට පහර දුන් වෛද්යවරු අත් අඩංගුවට ගත යුතුව ඇතැයිද ඔහු පෙන්වා දෙයි.
කෙසේ වෙතත් මේ වන විටත් චාවාකච්චේරී රෝහල අසල හා ඉදිරිපිට විශාල පිරිසක් වෛද්ය අධිකාරීවරයාගේ සහයට රැදී සිටින අතර අච ( 8 ) චාවාකච්චේරී නගරය පුරා පෙළපාළි යමින් සියලුම වෙළද සැල් වසා දමා හර්තාලයක් දියත් කිරීමට උතුරේ ස්වේච්ඡා සංවිධාන 32 ක් පියවර ගෙන තිබේ.
