ශ්රියානි විජේසිංහ –
මාසයක කාලයක් වර්ජනයේ නියැලී සිටින විශ්ව විද්යාල අනධ්යන කාර්ය මණ්ඩල සාමාජිකයින් හා රජය අතර යම් අවබෝධයක් ඇති කිරිමට විශ්ව විද්යාල ආචාර්යවරුන්ගේ සමිති සම්මේලනයේ විධායක සභාව හෙට (31) කැළණි විශ්ව විද්යාලයේදී රැස්වීමට නියමිත බව සමිති සම්මේලනයේ සභාපති මහාචාර්ය බරණ ජයවර්ධන සඳහන් කළේය.
සරසවි අනධ්යන කාර්ය මණ්ඩ සාමජිකයින්ගේ ප්රශ්නවලට විසදුමක් ලබා දීමට රජය ඉක්මනින් ඉදිරිපත් විය යුතු බව විශ්ව විිද්යාල ආචාර්යවරුගේ ඒකමතික තීරණය වී ඇති බවද මහාචාර්යරයා අවධාරණය කළේය.
රජය හා අනධ්යන කාර්ය මණ්ඩලය අතර අවබෝධයක් ඇති කිරිමට අවශ්ය යෝජනාවන් පිලිබඳව දීර්ඝ ලෙස සාකච්ඡා කිරීමට බලාපොරොත්තු වන බව ලංකාසර කළ විමසුමකදී මහාචාර්ය බරණ ජයවර්ධන පැවසුවේය.
මෙම වැඩ වර්ජනය හේතුවෙන් විශ්වවිද්යාලවල අධ්යාපනය ලබන දරුවන්ට මෙන්ම උසස්පෙළ සමත්ව විශ්ව විද්යාලවලට අතුළත් වීමට සිටින දරුවන්ටද සිදුවන හානිය ඉතා විශාල බව රජය දැඩිව දැනගත යුතු බවද මහාචාර්යවරයා පවසා සිටියි.
මෙවර උසස්පෙළ විභාගයට පෙනී සිටි දරුවන්ගේ ප්රතිඵල හෙට (31) දිනයේදී නිකුත්වන බව සඳහන්ව ඇති නමුත් විශ්ව විද්යාල ප්රතිපාදන කොමිෂන් සභාවේ සේවයේ නියුතු අන්යධන කාර්ය මණ්ඩලයද වැඩ වර්ජනයේ නියැලීම හේතුවෙන් උසස්පෙළ සමත් දරුවන්ට විශ්ව විද්යාලවලට ඇතුළත් වීම කල් ගත වන බවද මහාචාර්යවරයා අවධාරණය කළේය.
