විල්පත්තුව ජාතික උද්යානය තුළ දී කොටියෙක් හා සුනඛයෙක් අතර ඇතිවන ගැටුමට පාදකවන සුනඛයා කිසිවෙකු විසින් ජාතික වනෝද්යානය තුළට රැගෙන ගිය එකෙක් නොව, වනය හුරු හේන් ගොවියෙකු විසින් ඇතිකරන සුනඛයෙක් බව වනජීවි දෙපාර්තමේන්තුව ප්රකාශ කරයි.
ප්රශ්නගත සිද්ධියේ වීඩියෝ පටය පහත දැක්වේ.
දීර්ඝ පරීක්ෂණයකින් අනතුරුව මේ බව සනාථ කරගත් බවත්, මෙම සුනඛයා හුණුවිල්ගම රදාගම ප්රදේශයේ හේනක ආරක්ෂාව සඳහා ඇතිකරන සුනඛයෙක් බවත් එම දෙපාර්තමේන්තුව කියයි.
මෙම සුනඛයා නිදැල්ලේ සැරිසැරීමට සලස්වා හේනේ ආරක්ෂාව සඳහා යොදාගෙන ඇති බවත්, සිද්ධිය වූ දිනයේ සුනඛයා හේන් පරිශ්රයේ නොසිටි බවත්, ඉන් පසු දින එනම් ජනවාරි 30 වැනිදා හේනේ සිටි බවත් හිමිකරු ප්රකාශ කර ඇති අයුරු වනජීවී දෙපාර්තමේන්තුව විසින් නිකුත් කළ නිවේදනයේ සඳහන්ව ඇත.
ඊයේ (02) වනජීවී නිලධාරීන් හේනට ගොස් සුනඛයා පරීක්ෂා කර ඇති බවත්, සුනඛයා සුළු තුවාල සහිතව හේන් පරිශ්රයේ රැඳී සිටින ආකාරය නිරීක්ෂණය වී ඇති බව ද සමාජ මාධ්ය ඔස්සේ ප්රශ්න කර ඇති ආකාරයට මෙම සුනඛයා ඇමක් ලෙස යොදාගෙන නැති බවත් වනජීවී දෙපාර්තමේන්තුව ප්රකාශ කරයි.
එම දෙපාර්තමේන්තුව විසින් නිකුත් කර ඇති නිවේදනය පහත දැක්වේ.
