සම සෞඛ්ය සේවයට උපාධි ධාරීන් බඳවා ගැනීමේ දී රසායනාගාර කාර්මික විද්යාඥයින් සහ භෞත චිකිත්සකයින් සඳහා පැවැත්වූ තරග විභාගයට ඉදිරිපත් වී සිටියේ පුරප්පාඩු ගණනට වඩා අඩු අපේක්ෂකයින් පිරිසක් බවත් ඔවුන් සියලු දෙනාම රාජ්ය සේවයට අන්තර්ග්රහණය කරගන්නා බවත් කැබිනට් මාධ්ය ප්රකාශක සහ සෞඛ්ය ඇමති වෛද්ය නලින්ද ජයතිස්ස අද (29) කැබිනට් මාධ්ය හමුවේදී අනාවරණය කළේය.
මේ විභාගය අප්රේල් මස 27 වැනිදා පැවැත්වූ අතර සම සෞඛ්ය උපාධි ධාරීන්ගේ සංගමයේ බලපෑම් හේතුවෙන් අදාල විභාගයට තනතුර සඳහා අයදුම්කළ අපේක්ෂකයින් විශාල ප්රමාණයක් ඉදිරිපත් වූයේ නැත.
කෙසේ වෙතත් විභාගයට ඉදිරිපත් වූ සීමිත අපේක්ෂකයින් ප්රමාණය රාජ්ය සේවයට ප්රතිග්රහණය කරගැනීම සඳහා සති දෙකක් තුළ හය මාසික අනුස්ථාපන සහ සමායෝජන පුහුණුවට බඳවා ගන්නා බවත් මාස 06කින් පසු ඔවුන් රාජය සේවයට ප්රතිග්රහණය කරගන්නා බවත් සෞඛ්ය ඇමතිවරයා කීවේය.
ඔහු අවධාරණය කළේ අයදුම්පත් සංඛ්යාව නිර්දේශිත පුරප්පාඩු ගණනට වඩා වැඩිවනවිට රාජ්ය සේවා කොමිසම නියෝග කර ඇත්තේ තරග විභාගයක් පැවැත්වීමට බවත් එම තීන්දුව සෞඛ්ය අමාත්යාංශයෙන් ගත් එකක් නොවන බවත්ය.
ඇමතිවරයා එම තත්ත්වය පැහැදිලි කළේ මෙසේය.
“සම සෞඛ්ය උපාධි ධාරීන් බඳවා ගැනීම සඳහා මට කලින් සෞඛ්ය අමාත්යවරයාව සිටි රමේෂ් පතිරණ අමාත්යවරයාත් 2024 වසරේ දී කැබිනට් පත්රිකාවක් ඉදිරිපත් කරලා තිබුණා බඳවා ගැනීම් පටිපාටියට අනුමැතිය ලබා ගන්න.
ඒ මොහොතෙත් කැබිනට් මණ්ඩලය තීරණය කළේ එය රාජ්ය සේවා කොමිෂන් සභාවෙන් විමසිය යුතුයි කියලා.
ඒ අනුව 2024/07/01 වැනිදා සෞඛ්ය අමාත්යාංශයේ ලේකම්වරයා මේ සම්බන්ධව රාජ්ය සේවා කොමිෂන් එකෙන් විමසුවාම 2024/08/16 දා රාජ්ය සේවා කොමිසම කියලා තියෙන්නේ ලිඛිත පරීක්ෂණයක් මගින් අනුස්ථාපන හා සමාජන පාඨමාලාව සදහා උපාධිධාරීන් බඳවා ගත යුතු බවට ඔබට දැනුම් දීමට රාජ්ය සේවා කොමිෂන් සභාව තීරණය කරලා තියනවා කියලා.
මේ තීන්දුව සම්බන්ධයෙන් අපි ආණ්ඩුව ආවට පස්සේ අවස්ථා ගණනාවක ලිඛිතව හා වාචිකව විමසීම් කළා. දැනට ගත්තොත් රාජ්ය සේවා කොමිෂන් සභාවෙන් අවස්ථා 05ක දී විමසීම් කරලා තියනවා. ඒ අවස්ථා 05 දීම රාජ්ය සේවා කොමිෂන් සභාව කියන්නේ රාජ්ය සේවයට බඳවා ගැනීමේ දී අනුස්ථාපන හා සමාජන පුහුණු පාඨමාලාව සඳහා බඳවා ගැනීමේ දි ලිඛිත විභාගයක් පවත්වන්න කියන එක. ඒ නිසා සෞඛ්ය අමාත්යාංශයට තිබුණේ රාජ්ය සේවා කොමිෂන් සභාවේ නියෝගය ක්රියාත්මක කරන්න පමණයි. සෞඛ්ය අමාත්යාංශය නොවෙයි එය තීරණය කළේ.
එතනදි පැහැදිලිව කියලා තියනවා රාජ්ය සේවා කොමිෂන් සභාව අයදුම්පත් ප්රමාණයට වඩා පුරප්පාඩු ප්රමාණය අඩු නම් මේ ලිඛිත විභාගය පැවැත්විය යුතු නෑ. නමුත් පුරප්පාඩුවලට වඩා අයදුම්පත් ප්රමාණය වැඩි නම් ලිඛිත විභාගය පැවැත්විය යුතුයි කියන එක. සෞඛ්ය අමාත්යාංශය පසුගිය කාලයේම වැඩ කළේ ඒ රාජ්ය සේවා කොමිෂන් සභාවේ නියෝගයට අනුව.
මීට කලින් විකිරණ ශිල්පීන් බඳවා ගැනීමේ දී සහ ශ්රවණවේදී කාර්මික ශිල්පීන් බඳවා ගැනීමේ දී පුරප්පාඩුවලට වඩා අයදුම්කරුවන් අඩු වීම නිසා ඒ අය බඳවා ගත්තා. එතන සම සෞඛ්ය විද්යා පීඨවලින් අවුට් වෙච්චි උපාධි ධාරීන්ට අමතරව කොතලාවල ආරක්ෂක විද්යා පීඨයෙන් අවුට් වෙච්චි උපාධි ධාරීනුත් මේකට ඇතුළත් වෙලා තියනවා.
දැන් එම්එල්ටී සහ පිසියොතෙරපි කියන ක්ෂේත්ර දෙකේ අය බඳවා ගැනීමේ දී අපට කළමණාකරණ සේවා දෙපාර්තමේන්තුව අනුමැතිය ලබා දුන්නේ 154ක් බඳවා ගන්න. 354ක් ඇප්ලිකේෂන් ඇවිත් තිබුණා. භෞත චිකිත්සකයින් 94ක් බඳවා ගන්න අනුමැතිය ඇවිත් තිබුණා. අයදුම්කරුවන් 277ක් ඉදිරිපත් වෙලා තිබුණා.
මේ නිසා තමයි විභාගය පවත්වන්න සිද්ධ වුනේ. විභාගය පැවැත්වුවා. ඒ අනුව උපාධිධාරීන් මේකට ඉදිරිපත් වුනා. ඉදිරිපත් වුන ප්රමාණය පුරප්පාඩුවලට වඩා අඩු නිසා මේ සියලු උපාධි ධාරීන්ට රාජ්ය සේවයට අන්තර්ග්රහණය වෙන්න පුලුවන්.
ඒ අනුව සෞඛ්ය අමාත්යාංශය අප්රේල් 27 වැනිදා විභාගය පැවැත්වුවා. සති දෙකක් තුළ ප්රතිඵල නිකුත් කරන්න බලාපොරොත්තු වෙනවා. කෙසේ නමුත් මැයි මාසයේ අවසන් වීමට පෙර මෙම උපාධි ධාරීන් එම්.එල්.ටී සහ පිසියොතෙරපි කියන ක්ෂේත්ර දෙකේ උපාධි ධාරීන් අනුස්ථාපන සහ සමායෝජන මාස හයේ පුහුණුවට බඳවා ගන්නවා.
මාස 06කට පස්සේ ඒ අයට රාජ්ය සේවයේ ස්ථිර පත්වීම් ලබලා දෙනවා. දැනට තියන වැටුප් සහ දීමනා වැඩි වීම් අනුව පුහුණු පාඨමාලාවට ඇතුළත් වීමේ දී ඔවුන්ට සාමාන්ය රුපියල් 45000ක දීමනාවක් ලැබෙනවා. රාජ්ය සේවටය බඳවා ගත්තට පස්සේ ඔවුන්ට රුපියල් 75000ට වඩා ඉහළ වැටුප් සහ දීමනා ලබා දෙන්නත් කටයුතු කරනවා.
මේ පුහුණුව අවසන් වෙලා මේ අය රාජ්ය සේවයට බඳවා ගන්න කලින් ඊලඟ කණ්ඩායම සඳහාත් අපට සමහර විට තරග විභාගය පවත්වන්න අවස්ථාව ලැබෙයි.
සෞඛ්ය ඇමති වෛද්ය නලින්ද ජයතිස්ස කීවේය.
