-
තොග බඩු ප්රවාහන ලොරිවලට අවහිරයි… වරායට එන කන්ටේනර්වලට අවහිරයි… කොටුව අවට කාර්යාලවල වැඩට එන අය ප්රමාද නිසා ආර්ථිකයට විශාල හානියක්… මෙගා ෆෝන් පාවිච්චි කරන්න සහකාර පොලිස් අධිකාරීවරයකුගෙන් අවසර අරන් නෑ… කොටුවේ උද්ඝෝෂණ තහනම් බව පොලිසිය දැනුම් දෙයි….
සමගි ජන බලවේගය අතුළු දේශපාලන පක්ෂ, වෘත්තීය සමිති සහ බහුජන සංවිධානය ඒකාබද්ධව අද (02) පස්වරුවේ කොළඹ දී පැවැත්වීමට සූදානම් විරෝධතාව කොටුව දුම්රියපොළ ඉදිරිපිට හෝ ඒ ආසන්නයේ පැවැත්වීමට අවසර නො දෙන බව ඊට සහභාගී වන සියලුම පාර්ශවවලට දැනුම් දෙමින් පොලිසිය ලිඛිත දැන්වීමක් කර තිබේ.
කොළඹ මධ්යම 2 කොට්ඨාසය භාර සහකාර පොලිස් අධිකාරී කේ.ඒ.ඊ. එන්. දිල්රුක්ගේ අස්සනින් මෙම ලිපිය නිකුත් කර ඇත.
අනතුරුව මෙම ලිපිය විරෝධතා ව්යාපාරය සංවිධානය කළ පුද්ගලයින්ගේ පුද්ගලික නිවාස හා කාර්යාල වෙත සේ එය ලබා දීමට අද උදෑසන සිට කටයුතු කර තිබේ.
මෙම විරෝධය නිසා කොළඹ සහ පිටකොටුව ප්රදේශයට තොග වෙළඳාම සහ භාණ්ඩ ප්රවාහනය කරන ලොරි රථවලට අවහිරයක් වන බවත් එම කටයුතු ප්රමාදවන බවත් පොලිසිය එම ලිපිය මගින් දන්වා ඇත.
විරෝධතාව නිසා ඇති වන වාහන තදබදයෙන් ප්රවාහන කටයුතු අඩාල වීම නිසා කටුනායක, බියගම, වතුපිටිවල හා මහනුවර ආදි ආර්ථික කලාපවල සිට කොළඹ වරායට බහාලුම් රැගෙන ඒමේ දී නියමිත කාලයට නැව්ගත කර නො හැකි වීමෙන් ආර්ථික බලපෑමක් ද ඇති වන බව ලිපියේ සඳහන් වේ.
විරෝධතාව නිසා මාර්ග අවහිර වීමෙන් සංචාරකයන්ට ද පීඩාවක් හා අවහිරයක් සිදු වන බවත් .පොලිස් අඥා පනතේ 80 වැනි වගන්තිය යටතේ ග්රැමෆෝනයක්, ශබ්ධ විකාශන යන්ත්රයක් හෝ මෙගාෆෝනයක් හෝ ඇම්ප්ලිෆියරයක් හෝ යන්ත්රානුසාරයෙන් හෝ ශබ්දය නිපදවන හෝ නැවත නිපදවන හෝ විශාල කරන වෙනත් උපකරණයක් භාවිත කිරීමට සහකාර පොලිස් අධිකාරීවරයෙකුගේ අවසරය ගත යුතු වුවත් එවැනි අවසරයක් ද ලබා ගෙන නැති බවත් එම ලිපියේ දන්වා ඇත.
මාර්ග අවහිර වීමක් හෝ බාධා වීමක් සිදු වුව හොත් ජනතාවට වන පීඩා ඉවත් කිරීමට පොලිස් අඥා පනතේ සහ වෙනත් නීති යටතේ ක්රියාමාර්ග ගැනීමට සිදු වන බවට ඉන් අනතුරු අඟවා තිබේ.
එම සම්පූර්ණ ලිපිය පහත දැක්වේ.
මේ අතර මෙම උද්ඝෝෂණ ව්යාපාරය සම්බන්ධව මානව හිමිකම් කොමිසම නිවේදනයක් නිකුත් කරමින් දන්වා සිටියේ අදාළ පා ගමන සඳහා පොලිසියෙන් අවසර ලබා ගත යුතු බවට නීති විරෝධී ලෙස පොලිසිය දැනුම් දී ඇති බවය.
ලංකා මානව හිමිකම් කොමිෂන් සභාව මෙහි දී අවධාරණය කරන්නේ, පොලිස් ආඥා පනතේ පවතින ප්රතිපාදන ආණ්ඩුක්රම ව්යවස්ථාව මඟින් තහවුරු කර ඇති මූලික අයිතිවාසිකම් උල්ලංඝණය කිරීම සඳහා භාවිත කිරීම අනුචිත බව යි.
මෙම අවස්ථාවේ දී මූලික අයිතිවාසිකම් උල්ලංඝණයක් සිදු වුව හොත් එය රටට බරපතළ ප්රතිවිපාක ඇති වීමට හේතු විය හැකි බවත් මෙම පා ගමන සිදු වන අවස්ථාව නිරීක්ෂණය කිරීමට ශ්රී ලංකා මානව හිමිකම් කොමිෂන් සභාවේ නිලධාරී කණ්ඩායමක් යෙදවීමට අපේක්ෂා කරන බවත් එම නිවේදනය වැඩිදුරටත් සඳහන් කර ඇත.
එම නිවේදනය පහතින් දැක්වේ.
