විදේශයන් හී සිට පැමිණෙන අය අතර කොවිඩ් වයිරසය ආසාදනය වූවන්ගේ සැලකිය යුතු අඩුවක් පසුගිය දිනවල දක්නට ලැබුණ බැවින් මෙරටට ඇතුළු වීමේදී හදුන්වා දුන් නිර්නායකයන් වෙනස් කිරීමට තීරණය කළ බව සෞඛ්ය අමාත්යංශයේ නිරෝධායන ඒකකයේ අධ්යක්ෂ විශේෂඥ වෛද්ය දිල්හානි සමරසේකර සඳහන් කළාය.
යම් හේතුවකින් සංචාරකයින් අතර වයිරසය ආසාදනය වීම් වැඩි වශයෙන් වාර්තා වුවහොත් මේ නිර්නායකයන් නැවත වෙනස් කිරීමට කටයුතු කරන බවද ඇය කීවාය.
දෙස් විදෙස් සංචාරකයින්ට අලුතින් නිර්නායකයන් නිකුත් කරනුයේ විශේෂඥයින්ගෙන් සැදුම්ලත් කණ්ඩායමක් මගින් යැයි ඇය පෙන්වා දුන්නාය.
වයස අවුරුදු 2ට වැඩි ශ්රි ලාංකිකයන් මෙන්ම විදේශීකයන් ද මෙරටට පැමිණීමට පැය 72 ට පෙර පීසීආර් පරික්ෂණයක් කරගත යුතු වන අතර ඉන් තමන් ආසාදිතයෙක් නොවන බව තහවුරු විය යුතුයැයිද ඇය කීවාය.
එසේම මීට මාස තුනකට පෙර මේ රෝගය වැලඳී සිටි අයෙක් නම් පැය 48ක් ඇතුළත ඇන්ටිජන් පරික්ෂාවක් කර ඉන් ආසාදිතයෙක් නොවන බව තහවුරු නම් පමණක් මෙරටට ඇතුළු විය හැකි බවද ඇය අනාවරණය කළාය.
ඇයට අනුව පූර්ණ එන්නත්කරණයට ලක්වී සති දෙකකින් පසු එන්නේ නම් පමණක් ඒ අය ගුවන්තොටුපලෙන් නිදහස් කරනු ඇත.
මේ අය තමන්ගේ එන්නතකරණ කාඩ්පතේ මුල් පිටපත ඉංග්රිසී මාධ්යයෙන් ගෙන ආ යුතු බවද ඇය කීවාය.
