විදේශ රටකින් එකම වෛද්යවරයෙක් හෝ ගෙන්වීමේ කිසිම අදහසක් නැති බව සෞඛ්ය ඇමති කෙහෙලිය රඹුක්වැල්ල අද (04) පාර්ලිමේන්තුවේ දී සහතික කර කීවේය.
මේ වනවිට වෛද්ය සේවයේ වෛද්යවරුන් 1933ක අඩුවක් පවතින බව කී සෞඛ්ය ඇමතිවරයා දැනට පුලලු කර ඇති වෛද්ය පීඨවලින් ලබන වසර වනවිට වෛද්යවරුන් 1600ක් පිටවන බවත් විදේශ පුහුණුව සඳහා පිටත් වූ වෛද්යවරුන් 680ක් යළි දිවයිනට එන්නට නියමිත බවත් කීවේය.
එමෙන් දීර්ඝ කාලීනව මේ තත්ත්වය මගහැර ගැනීමට පෞද්ගලික වෛද්ය විද්යාල 04ක් වෙතත් මේ වනවිට අනුමැතිය ලබා දී ඇති බව කී ඇමතිවරයා මෙය කිසිසේත්ම ජනප්රිය තීන්දුවක් නොවුනත් කවදා හරි දවසක ඒ සම්බන්ධව සියලු දෙනා සිය ප්රසාදය පල කරනු ඇති බවට විශ්වාසය පල කළේය.
ප්රමිතිය නිසි ආකාරයෙන් පවත්වා ගන්නා පුද්ගලික වෛද්ය විද්යාල සම්බන්ධව කිසිවෙකුටත් ප්රශ්නයක් ඇති විය නොහැකි බව කී ඔහු එය විශාල විදේශ විනිමය හායනයක් වළක්වා ගැනීමට ද හේතු වනු ඇතැයි පැවසුවේය.
එමෙන්ම මේ පවතින නීති පද්ධතිය හේතුවෙන් විදේශ විශ්වවිද්යාලවලින් වාර්ෂිකව වෛද්ය උපාධිය ලබා ගන්නා 3000ක් දෙනාට රටට පැමිණ වෘත්තීයේ යෙදීමට නොහැකි වන බව ද ඇමතිවරයා කීවේය.
වෛද්යවරුන්ට රට හැර යෑමට බලපා ඇති බවට හඳුනාගත් නිල නිවාස ප්රශ්නය, අදායම් ප්රශ්නය, දරුවන් පාසල්වලට ඇතුළත් කරගැනීමේ ප්රශ්නය විසඳා ගැනීමට කටයුතු කරමින් සිටින බව කී ඇමතිවරයා පවතින ආර්ථික අර්බුදය හමුවේ රට හැර යන්නේ වෛද්යවරුන් පමණක් බව පෙන්වා දුන්නේය.