-
රටේ නීතියට අනුව විදුලිය ගාස්තු වැඩිවීමේ යෝජනාව පැමිණිය යුත්තේ කැබිනට් මණ්ඩලයෙන් නෙමෙයි… විදුලිබල මණ්ඩලයෙන්…. ඔය පනත අනුමත වී ආවොත් ගත යුතු පියවර ගන්නවා…
-
ඒකක 0 -30 අතර පාරිභෝගිකයින්ගෙ විදුලි බිල සියයට දෙදාහකින් වැඩිවෙනවා… ඒකක 90ට අඩු විදුලිය පරිභෝජනය කරන ලක්ෂ 50කගෙන් සියයට හාරසිය පනස් ගුණයක් වැඩිපුර අය කරගන්න හදනවා… මිනිස්සුන්ට මේ බිල ගෙවා ගන්න බෑ…
විදුලි බල පනතට අනුව විදුලිය ගාස්තු වැඩි කිරීමේ යෝජනාව පැමිණිය යුත්තේ විදුලි බල මණ්ඩලයෙන් මිස කැබිනට් මණ්ඩලයෙන් නොවන බවත් මෙම විදුලි ගාස්තු වැඩි කිරිමේ යෝජනාව හෙට පැවැත්වෙන කැබිනට් මණ්ඩල රැස්වීමේදී අනුමත වී පැමිණි පසු මහජන උපයෝගිතා කොමිෂන් සභාව ඊට අදාළ ව ගත යුතු පියවර ගන්නා බවත් එහි සභාපති ජනක රත්නායක පවසයි.
මෙම සංශෝධනයක් අවශ්ය නම් එය විදුලි බල මණ්ඩලය හරහා පැමිණිය යුතු බවත් එහිදී මහජන උපයොගීතා කොමිෂන් සභාව එය කළ යුතු ආකාරය සම්බන්ධයෙන් මැදිහත් වන බවත් සභාපතිවරයා කියයි.
මේ වනවිටත් විදුලිය බල මණ්ඩලය පසුගිය අගෝස්තු 10 වැනිදා සිදු කළ විදුලි ගාස්තු සංශෝධනයෙන් පසුගිය මාස 04 තුළ මෙහෙයුම් ලාබයක් ලද බවත් පවතින සමාජාර්ථික තත්ත්ව හමුවේ විදුලිය ගාස්තු සංශෝධනයක් සිදු කිරීම ජනතාව දැඩි අසීරුතාවකට පත් කරවන්නක් බවත් ජනක රතනායක සඳහන් කළේය.
“ ඒකක අඩු 0 ත් 30ත් අතර විදුලි ගාස්තුව දෙදහස් ගුණයකින් වැඩිකිරීමට යන්නෙ. එමෙන්ම ඒකක 90ට වඩා අඩුවෙන් භාවිත කරන පාරිභෝගිකයන් ලක්ෂ 50ක් පමණ ශ්රි ලංකාවේ සිටිනවා. ඔවුන්ගෙන් මේ වනවිට අය වන බිලියන 1.7ක මුදල බිලියන 7.6ක් දක්වා ඉහළ නැංවීමට යි යෝජනා වෙලා තිබෙන්නේ. “
“මේ විදිහට වැඩි කළොත් ජනතාවට මෙය ගෙවා ගත හැකි වන්නේ නෑ“ යයිද පැවසීය.
