අද (06) දින ආරම්භවන ශ්රී ලංකා විදුලි බල පනත් කෙටුම් පත දෙවැනිවර කියැවීම සදහා විදුලි බල හා බලශක්ති ඇමති කාංචන විජේසේකර සහ ආණ්ඩුව ගෙන ඇති තීන්දුව අනුව එම පනත් කෙටුම්පතට පක්ෂව ඡන්දය දීමේ බරපතලකම පාර්ලිමේන්තු මන්ත්රීවරුන් සියලු දෙනාට සිහි කරන බවත්, මේ ආකාරයේ විදුලි ප්රතිසංස්කරණ සඳහා පක්ෂ වීමට “සෞභාග්යයේ දැක්ම ” ක්රියාත්මක කිරීම සඳහා පාර්ලිමේන්තුවට තේරී පත් වූ ආණ්ඩුවේ කිසිම මන්ත්රීවරයෙකුට ජන වරමක් නොමැති ආකාරය සිහිකරන බවත් ලංකා විදුලිබල මණ්ඩලයේ ඉංජිනේරු සංගමය නිවේදනයක් නිකුත් කරමින් ප්රකාශ කරයි.
ශ්රේෂ්ඨාධිකරණයේ නිර්දේශ ඇතුළත් තීරණය පනත් කෙටුම්පතේ ව්යවාස්ථානුකූළ භාවයට පමණක් සීමා වන ආකාරය පෙන්වා දෙන සංගමය එම පනත් කොටුම්පතේ ප්රතිපත්තිය සම්බන්ධයෙන් කිසිදු පාර්ශවකරුවෙකුගෙන් සාකච්ඡාවක්, අදානයක් හෝ සමාලෝචනයක් මේ දක්වා සිදුවී නොමැති බවද හෙළි කරයි.
මෙම පනත් කෙටුම්පත ඉදිරිපත් කරන්නේ ඊට පහසුකම් සැපයීම සඳහා රජය සහ අමාත්යවරයා විසින් සේවකයින් සහ ඔවුන්ගේ වෘත්තීය සමිති අඩපණ කිරීමට සහ අකර්මණය කිරීමට දැඩි ක්රියාමාර්ග ගෙන බවත්, වෘත්තීය සමිති ක්රියාමාර්ග කප්පාදු කර, ක්රියාමාර්ගවලින් වළක්වා, අත්යාවශ්ය සේවා පනත භාවිතා කරමින් සරල විරෝධතාවල නිරත සේවකයින් ඔවුන්ගේ රැකියාවලින් නෙරපමින් බවද සංගමය පෙන්වා දෙයි.
වෘත්තීයවේදීන්ගෙන් සැදුම් ලත් වෘත්තීය සමිතියක්වන ලංකා විදුලිබල මණඩලයේ ඉංජිනේරු සංගමය මෙම ප්රතිසංස්කරණ ක්රියාවලිය හරහා රටට යහපතක් ලබාදීම සඳහා සටන් කරන්නේ දෑත් බැඳ දමා ඉතා තර්ජනාත්මක වාතාවරණයක් නිර්මාණය කළ පරිසරයක් තුළ බව ද එම සංගමය කියයි.
තවද පනත් කෙටුම්පතේ ඉහළ විදුලි මිලේ සිට ජාතික වත්කම් සහ සම්පත් විදෙශිකයන්ට අඩු හෝ කිසිදු වියදමිකින් තොරව පැවරීම දක්වා රටට මෙන්ම එහි ජනතාවටබිහිසුණු බලපෑම් අති කරන කරුණු රාශියක් තවමත් අඩංගු බව සංගමය පෙන්වා දෙයි.
එම සංගමය විසින් නිකුත් කළ නිවේදනය පහත දැක්වේ.
