ලලිත් චාමින්ද –
ලංකා විදුලිබලමණ්ඩලය විසින් පුනර්ජනනිය බලශක්ති මිලදී ගැනිම සඳහා වු රුපියල් බිලියන 37.3ක මුදලක් 2021 වසරේ අගභාගයේ සිට අදාල නිෂ්පාදකයින් වෙත පියවානොමැති බව ශ්රි ලංකා මහබැංකුව පවසයි.
මේ නිසා බලශක්ති උත්පාදනය සදහා වු පුනර්ජනනිය අංශයේ දායකත්වය පුළුල්කිරිමට බාධාවක්ව පැවති බවද මහබැංකු වාර්තාවේ සඳහන් කොට ඇත.
එමෙන්ම ලංකා විදුලිබල මණ්ඩලය විසින් බැංකු අංශයෙන් ලබාගත් කෙටිකාලින ණය හා ලංකා ඛනිජතෙල් නීතිගත සංස්ථාව හා ස්වාධින බලශක්ති නිෂ්පාදකයින් වෙත ගෙවිය යුතු ණය මුදල 2022 වර්ෂය අවසානය වනවිට රුපියල් බිලියන 361.9 ක් දක්වා ඉහළගොස් ඇති බවද මහබැංකුව පෙන්වා දෙයි.
විදුලිබලමණ්ඩලය 2022 වර්ෂයේ දි රුපියල් බිලියන 272.9ක පාඩුවක් ලබා ඇත. නොරෝච්චෝල ගල් අගුරු බලාගාරයට අදාලව පියවා නොමැති විදේශ ණය තොගයෙහි අලාභ වලින් කොටසක් එනම් රුපියල් බිලියන 94.7ක් මෙම අලාභයට ඇතුළත්කර ඇත. විදුලි ගාස්තු සංශෝධනයත් සමග විදුලිබල මණ්ඩලයේ පාඩුව 2022 වර්ෂයේ අගෝස්තු මාසයේ සිට තරමක් පහළගොස් ඇති බවද මහබැංකු වාර්තාවේ සදහන් වේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
