වැඩබලන විගණකාධිපතිවරයාගේ සේවය තවත් මාස තුනකට දීර්ඝ කිරීම සඳහා ජනාධිපති අනුර කුමාර දිසානායක විසින් කරන ලද නිර්දේශය ආණ්ඩුක්රම ව්යවස්ථා සභාව විසින් ප්රතික්ෂේප කර ඇත.
අද (23) ප්රකාශයට පත් වුන සන්ඩේ ටයිම්ස් පුවත් පත වාර්තා කරන්නේ මහනුවර දළදා පෙරහැර නැරඹීම සඳහා වැඩබලන විගණකාධිපතිවරයා රාජ්ය බැංකුවකින් ටිකට්පත් හයක් පිළිගෙන ඇති බවට ලේඛනයක් ඉදිරිපත් කරමින් ආණ්ඩුක්රම ව්යවස්ථාදායක සභාවේ බහුතරය ජනාධිපතිවරයාගේ නිර්දේශය ප්රතික්ෂේප කර ඇති බවත්ය.
විපක්ෂ නායකවරයා සහ සිවිල් ක්රියාකාරිකයින් ජනාධිපතිවරයාගේ නිර්දේශයට එරෙහිව ඡන්දය ප්රකාශ කර ඇත්තේ උක්ත රාජ්ය බැංකුව ජාතික විගණන කාර්යාලය විසින් විගණනය කරනු ලබද්දී වඩ බලන විගණකාධිපතිවරයා විසින් මෙම ප්රදානය පිළිගැනීම නුසුදුසු බව හුවා දක්වමිනි.
වැඩබලන විගණකාධිපති ගම්මන්පිල එච්.ඩී. ධර්මපාල දැනට විගණකාධිපති දෙපාර්තමේන්තුවේ සිටින ජ්යෙෂ්ඨතම නිලධාරියා ය. ඔහු විශ්රාම යාමට වසර තුනහමාරක කාලයක් තිබේ.
විශේෂත්වය වන්නේ මෙම නිලධාරියා මග හැර සමාන්තර සේවාවල නිලධාරියෙක් විගණකාධිපතිවරයා ලෙස පත් කිරීමට ජනාධිපතිවරයා මින් පෙර කළ නිර්දේශය ප්රතික්ෂේප කිරීමට ව්යවස්ථා දායක සභාව කටයුතු කිරිමය. එබැවින් වැඩ බලන විගණකාධිපතිවරයා ලෙස මාස 06 කාලයක් සඳහා ගම්මන්පි එච්.ඩී.ධර්මපාලට ව්යවස්ථාදය සභාවේ ද අනුමැතිය ලැබුනේය.
ඔහුගේ සේවා කාලය මේ සතියේ අවසන් වන බැවින් ඔහුට තව මාස තුනක සේවා දිගුවක් අපේක්ෂාවෙන් ජනාධිපතිවරයා විසින් ඉදිරිපත් කළ නිර්දේශය ව්යවස්ථාදායක සභාව විසින් පෙරේදා (21) ප්රතික්ෂේප කළේය.
ව්යවස්ථා දායක සභාව එහි සභාපති සහ පාර්ලිමේන්තුවේ කථානායක වෛද්ය ජගත් වික්රමරත්න ගේ සභාපතිත්වයෙන් රැස් වී අදාල නිර්දේශය සලකා බැලූ අවස්ථාවේ දී යෝජනාවට සාමාජිකයින් පස් දෙනෙක් විරුද්ධ වූහ. සිවු දෙනෙක් පක්ෂ වූහ.
විපක්ෂ නායක සජිත් ප්රේමදාස, විපක්ෂය විසින් නම් කරන ලද සාමාජික පාර්ලිමේන්තු මන්ත්රී අජිත් පෙරේරා සහ සිවිල් සමාජය නියෝජනය කරන සාමාජිකයින් තිදෙනෙකු වන ආචාර්ය වෛද්ය අනුලා විජේසුන්දර, ආචාර්ය ප්රතාප් රාමනුජම් සහ දිනේෂා සමරරත්න නිර්දේශයට විරුද්ධව ඡන්දය දුන්හ.
ජනාධිපතිගේ යෝජනාව ව්යවස්ථාදායක සභාව විසින් ප්රතික්ෂේප කිරීම හේතුවෙන්, විගණකාධිපති ධුරය හිස් වී ඇති අතර, ජනාධිපතිවරයා ව්යවස්ථා සභාව වෙත නව නමක් යෝජනා කර යැවිය යුතුය.
එමෙන්ම ව්යවස්ථා සභාවේ සිවිල් සමාජ ක්රියාකාරීන්ගේ ව්යවස්ථා දායක සභාව හොබවන ධුර කාලය 2026 ජනවාරි මාසයේදී අවසන් වන අතර නව සාමාජිකයින් පත් කළ යුතුය.
