විකල්ප ණය තිරසරකරණ ක්රියාවලියක් ජාත්යාන්තර මූල්ය අරමුදල සම්බන්ධ ක්රියාවලියේ දී බලහත්කාරයෙන් ඔබ්බවන බව ජාතික ජන බලවේගය ප්රකාශ නොකළ බව මුදල් නියෝජ්ය අමාත්ය මහාචාර්ය අනිල් ජයන්ත පැවසුවේය. ඔහු පැවසුවේ ජාතික ජන බලවේගය ප්රකාශ කළේ විකල්ප ණය තිරසරකරණය සම්බන්ධ සාකච්ඡා කිරීම ඇතුළු කරුණු ගණනාවක් බවය.
එමෙන්ම ඔහු ප්රකාශ කළේ ණය ප්රතිව්යුහගතකරණය සම්බන්ධ අවසන් අදියරට රජය පැමිණ ඇති බවත්, දෙසැම්බර් මස 31 දා වනවිට ණය ප්රතිව්යුගතකරණය අවසන් කිරීමට කටයුතු කරන බවත් නියෝජ්ය අමාත්යවරයා පැවසුවේය. නියෝජ්ය මුදල් ඇමතිවරයා මෙසේ ද පැවසුවේය.
“ස්වයිරි බැඳුම්කර ලබා ගැනීමේ ක්රියාවලියේ දී මෙම ක්රියාවලිය පමා වීම නිසාවෙන් පමණක්ම අමතර හිඟ පොලිය විදිහට ඩොලර් බිලියන 1.7ක් ගෙවන්න වෙනවා. ”
“ඒ නිසාම තමයි අපි නිතරම කිව්වේ අපි මහපොළෝවේ යථාර්ථය ගැන සැලකිල්ලට ගනිමින් තමයි මේ කටයුත්තට එන්නේ. අප විකල්ප ඩේට් සස්ටේනබිලිටි ඇනලසිස්ස එකක් ගැන සාකච්ඡා කළා. අපි හදනවා කියලා කිව්වේ. අපි කිව්වේ නෑ බලහත්කාරයෙන් අයිඑම්එෆ් එකට ඔබ්බවන්න යනවා කියලා. අපි කිව්වේ සාකච්ඡා කරනවා, සකස් කරනවා කියලා. තවත් කාරණා ගණනාවක් කිව්වා. ”
“යම් කේවල් කිරීමේ නෙගෝෂියේෂන් ටේබල් එකක දි එක පාර්ශවයකට අවශ්ය සියල්ලම කරන්න බෑ. එහෙමනම් අපි ඒකෙන් අයින් වෙන්න ඕන. අපි කිව්වා අයින් වෙන්නේ නෑ. සාකච්ඡා කරනවා කියලා. එහි ප්රතිඵල ඇවිත් තියනවා දැන්. මේ එකඟතාවයනුත් පහුගිය අවුරුදු දෙක ඇතුළෙ පමා කිරීම නිසා අනවශ්ය පොලී ප්රමාණයක් ගෙවන්න සිද්ධ වුනා.” මහාචාර්ය අනිල් ජයන්ත පැවසුවේය.
