කොග්ගල,මිපේ , මාතලේ,වතුරගම, අනුරාධපුර, ප්රමුඛ ප්රදේශ කීපයක ගෙවුණු මාස කිහිපය තුළ ඇගලුම් කර්මාන්තශාලා දහයකට ආසන්න ප්රමාණයක් තාවකාලිකව වසා දැමිම හේතුවෙන් එම කර්මාන්තශාලාවල සේවයකළ පන්දහසකට ආසන්න සේවකයින් පිරිසක් සහ මෙම කර්මාන්ත ශාලා සමග වක්ර ලෙස බැඳී රැකියා අවස්ථා සපයා ගත් දහස් සංඛ්යාත කණ්ඩායමක් අසරණ වී ඇති බව වාර්තා වේ.
වාර්තාවන පරිදි ඇතැම් කර්මාන්තශාලාවල සේකයින්ට සේවය කළ කාලය අනුව වන්දි මුදල් ලබා දී ඇති අතර තවත් කර්මාන්තශාලා කීපයක් තාවකාලිකව වසා දමා සේවකයින්ට මූලික වැටුප ගෙවමින් සිටී.
ආයෝජන මණ්ඩලය යටතේ ඇති ආයෝජන කළාප පහළවක කර්මාන්තශාලා එකසිය තිස්පහක් ද තවත් ලියාපදිංච් කර්මන්තශාලා තුන්සිය විසිහයක් වශයෙන් කර්මාන්තශාලා හාරසිය හැටඑකක් (461) ඇති අතර එවායෙහි ලක්ෂ තුනකට ආසන්න ප්රමාණයක් සේවය කරති. එවැනි තුන්ගුණයක පිරිසක් මෙම කර්මාන්ත ශාලා ආශ්රිතව සේවා සපයමින් ජීවිතය ගොඩනගා ගනිති.
ප්රධාන ඇගලුම් ගැනුම්කරුවන් වන ඇමරිකාව හා යුරෝපා සංගමයෙන් ඇති ඉල්ලුම අඩුවිම නිසා මෙම තත්වය උදාවී ඇති බව ඇගලුම් කර්මාන්තශාලා හිමියන්ගේ සංසදයේ සභාපති යොහාන් ලෙවරන්ස් මාධ්යයට පවසා තිබිණි.
.තවත් මාස දෙකක තුනක කාලයකට දැනට ලැබි ඇති ඇනවුම් ප්රමාණවත් බවත් සැප්තැම්බර්වලින් පසුව මෙම තත්වය යහපත් අතරට හැරෙනු ඇති බවත් ඔහු විශ්වාසය පල කර ඇත.
මෙම තත්වය ශ්රිලංකාවට පමණක් බලපෑ තත්වයක් නොව, බංගලාදේශය, වියට්නාමය, කාම්භෝජය, චීනය වැනි රටවලටද තදින් බලපා ඇති බව ඔහු සඳහන් කලේය
