පවතින වැසි තත්ත්වය තුළ දිස්ත්රික්ක 07ක් සඳහා බලපැවැත්වෙන පරිදි නායයෑමේ අනතුරු ඇඟවීම් නිකුත් කර ඇති බව ජාතික ගොඩනැගිලි පර්යේෂණ සංවිධානය පවසයි.
එම සංවිධානයේ ජ්යෙෂ්ඨ භූ විද්යාඥ වසන්ත සේනාධීර පවසන්නේ අද (19) අලුයම 03 සිට හෙට (20) අලුයම 03 දක්වා බලපැවැත්වෙන පරිදි එම අනතුරු ඇඟවීම් නිකුත් කර ඇති බවයි.
ඒ අනුව අදියර 02 යටතේ වන අනතුරු ඇගවීමේ නිවේදන බදුල්ල දිස්ත්රික්කයේ ඇල්ල ප්රාදේශීය ලේකම් කොට්ඨාස වෙත නිකුත් කර තිබේ.
ෙබදුල්ල දිස්ත්රික්කයේ තවත් ප්රාදේශීය ලේකම් කොට්ඨාස 04ක් සඳහා මෙන්ම මහනුවර, කෑගල්ල, රත්නපුර, කළුතර, කොළඹ සහ ගම්පහ යන දිස්ත්රික්කවල ප්රාදේශීය ලේකම් කොට්ඨාස 33ක් සඳහා අදියර 1 යටතේ වන එම නායයෑම් අනතුරු ඇඟවීමේ නිවේදනය නිකුත් කර ඇත.
මේ අතර කාලගුණ විද්යා දෙපාර්තමේන්තුව නිවේදනය කරන්නේ ශ්රී ලංකාව සහ අවට මුහුදු ප්රදේශ ආශ්රිතව පවතින පෙර-මෝසම් කාලගුණික ලක්ෂණ හේතුවෙන් ඉදිරි දින කීපය තුලම වැසි සහ සුළං තත්ත්වයේ වැඩිවීමක් බලාපොරොත්තු විය හැකි බවය.
අද දින බස්නාහිර, සබරගමුව, මධ්යම, වයඹ සහ දකුණු පළාත්වලත් මන්නාරම දිස්ත්රික්කයේත් විටින් විට වැසි හෝ ගිගුරුම් සහිත වැසි ඇතිවන බවත් එම වර්ෂාපතනය මිලි මීටර 100 දක්වා විය හැකි බවත් පවසන කාලගුණ විද්යා දෙපාර්තමේන්තුව දිවයිනේ සෙසු ප්රදේශවල ප.ව. 01.00න් පමණ පසු තැනින් තැන වැසි හෝ ගිගුරුම් සහිත වැසි ඇති විය හැකි බව නිවේදනය කරයි.
දකුණු පළාතේ විටින්විට පැ.කි.මී. (30-40)ක පමණ තරමක තද සුළං ඇතිවිය හැකි බව ද එම නිවේදනයේ දැක්වේ.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.
