මනම්පිටිය නිමල් ජයරත්න –
පොළොන්නරුව වැලිකන්ද නගරයෙහි මත්පැන් හලක් තිබියදි තවත් මත්පැන් හලක් විවෘත කිරීමට යෑමේ සූදානමට,වැලිකන්ද සාසනාරක්ෂක බල මණ්ඩලයේ සියලු දහම් පාසල් ගුරුවරුන්, දහම් පාසල් සිසුන්, මෙන්ම ගොවි සංවිධාන, ප්රජා සංවිධාන එක්ව දැඩි විරෝධය පළකර එම මත්පැන්හල විවෘත කිරීමේ සූදානම හකුලා ගන්නා තෙක් සටන් කරන බව, වැලිකන්ද බල මණ්ඩලයේ ලේඛකාධිකාරී, සුසිරිගම සංකරක්ඛිතාලංකාර නාහිමියෝ පැවසූහ.
යුද්ධයෙන් වසර 30 ක් බැටකෑ ගොවි ජනතාවක් ජීවත්වන ප්රදේශයක් මෙන්ම, අසරණ ගොවීන් පිරිසක් සහ දහම් පාසල් 26 ක සිසුන් 9000 කට සංඛ්යාවක්, දහම් අධ්යාපන ලබන වැලිකන්ද නගරයේ විවෘත කිරීමට යන මෙම මත්පැන්හලින් එම ජීවිත වලට දැඩි බලපෑමක් සිදුවන බවද සංකරක්ඛිතාලංකාර නාහිමියන් පෙන්වා දුන්හ.
උන්වහන්සේ මේ බව ප්රකාශ කළේ වැලිකන්ද සේනපුර කොට්ඨාස ගොවි සංවිධානය විසින් වැලිකන්ද මොනරතැන්න විහාරස්ථානයේ අද (10) පැවැති මාධ්ය සාකච්ඡාවේදී අදහස් දක්වමිනි.
ශ්රී ලංකාවේ අඩු වයස් විවාහ සිදුවන ප්රදේශයක් මෙන්ම, බාල ගැබිණි මව්වරුන් සිටින ප්රදේශයක් හැටියට වැලිකන්ද නගරයේ මෙම මත්පැන්හල විවෘත කිරීමෙන් තව තවත් දරුවන් මෙන්ම දැරියන් අපයෝජනයට ලක්වීමේ ප්රවණතාවය වැඩිවන බවද නා හිමියෝ පෙන්වා දුන්හ.
මෙම මාධ්ය සාකච්ඡාව සඳහා උතුරු මැද පළාතේ මෙන්ම පොළොන්නරුවේ හින්දු, ඉස්ලාම්, ආගමික නියෝජිතයින් මෙන්ම ගරුතර මහා සංඝරත්නය සහ ගොවි සංවිධාන නියෝජිතයින්, දහම් පාසල් ආචාර්යවරුන්, මෙන්ම ප්රජා ක්රියාකාරීන් රැසක් එක්ව සිටියහ.
මෙම පිරිස් අදහස් දක්වමින් සඳහන් පැවසුවේ වැලිකන්ද නගරයට අත්යවශ්ය වන්නේ මත්පැන්හලක් නොව රැකියා විරහිත තරුණ තරුණියන්ට ආර්ථික උත්පාදන වැඩසටහන් බවයි.
සේනපුර කොට්ඨාස ගොවි සංවිධානය විසින් සංවිධානය කරන ලද මෙම මාධ්ය හමුවේදී, වැලිකන්ද ප්රාදේශීය සභාවේ හිටපු සභාපති කවිඳු ප්රියන්ත අබේසූරිය, උපසභාපති සමන්ත බණ්ඩාර ද දක්වමින් සඳහන් කළේ තමන් වැලිකන්ද නගරයේ අලුතින් මත්පැන් හලක් විවෘත කිරීමට, එරෙහිව පක්ෂ භේදයෙන් තොරව සියලු මන්ත්රීවරුන් සමග දැඩි විරෝධය පළ කරන බවයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
වැලිකන්ද සේනපුර කොට්ඨාශයේ හිටපු ගොවි සංවිධාන සභාපති කපිල සිරිල් පතරණ සඳහන් කළේය. වැලිකන්ද නගරයේ විවෘත කිරීමට යන මත්පැන් හලට විරෝධය පළ කරමින් තමන් දහම්පාසල් ආචාර්යවරුන්, ගොවි සංවිධාන මෙන්ම විහාරාධිපති ස්වාමීන් වහන්සේලා, එක්ව දින දාහතරක් ඇතුළත විරෝධතාවය පළකර ජනාධිපති, අගමැති, සුරා බදු දෙපාර්තමේන්තුවට, ලිඛිතව හා වාචිකව දන්වා ඇති බවත්, එලෙස විරෝධය පළ කරද්දීත් මෙම මත්පැන්හල විවෘත කිරීම පිටුපස දේශපාලන හස්තයක් ක්රියාත්මක වන බවත්ය.
