රන්ජන් පරණවිතාන යනු මේ රටේ සිටින ජ්යෙෂ්ඨ මාධ්යවේදියෙකි. ක්රීඩා කර්තෘවරයෙකි. ජාතික තලයට ක්රීඩකයන් බිහි කළ විශිෂ්ට පුහුණු කරුවෙකි. තවමත් නිහඬව රටේ ක්රිකට් වගකීම් සම්භාරක් උසුලමින් නිහඬව ක්රීඩාව විචාරය කරන වින්දනය කරන විචාරකයෙකි. රසවතෙකි. ඔහු සිය ෆේස් බුක් ගිනුමේ ජෙෆ්රි වැන්ඩර්සේ ගැන අපූරු සටහනක් තබා තිබිණි. ඒ සටහන උපුටා පළ කරමු.
රන්ජන් පරණවිතාන –
ක්රිකට් කරළියේ අලුත්ම වීරයා වැන්ඩසේය.
කවුරුත් ඔහුට කියන්නේ වැන්ඩා කියාය.
වැන්ඩා ඊයේ දැක්වූයේ ක්රිකට් වල කියවෙන අපූරු කම් බෑක් එකකි. ඕනෑම ක්රීඩකයකු සතු විය යුතු අධිෂ්ඨානය, අභියෝගයට මුහුණ දීම වැන්ඩාට හොඳින් පිහිටා නොතිබෙන්නට වනිදුගේ අඩුව පුරවන්නට පැමිණ ඔහුටත් වඩා හොඳින් ඉටු කර පෙන්නන්නට නොහැක.
මෙය ක්රීඩාවේ තම ගමන් මගේ ඉදිරියට යන්නට නම් ක්රීඩකයකු තුළ තිබිය යුතුම ගුණාංගයකි. බොහෝ ක්රීඩකයන් වරද්දා ගන්නේ මං පොර වීමට යාමෙනි. මින්පසු වැන්ඩාටත් එම රෝගය නොවැළඳුනොත් තව බොහෝ කලක් යා හැකිය.
වැන්ඩා සම්බන්ධ මෙවැනිම කතාවක් මීට දස අවුරුද්දකට කලින් සිදු විය.
ඒ අවදියේ වැන්ඩා මා පුහුණුකරු ලෙස කටයුතු කළ බදුරලිය ක්රීඩා සමාජයේ ක්රීඩා කිරීමට පැමිණියේය.
වැන්ඩාට වඩා පළපුරුදු වමත් දඟ පන්දු යවන්නකු වූ රනිල් ධම්මික එකොළහට ඇතුළත් වීම නිසා මුල් තරග දෙකේම වැන්ඩා සිටියේ බංකුවේය.
ඊළඟ තරගයට පෙර පුහුණුවීම් අතර තුර වැන්ඩා මවෙත පැමිණ මෙසේ කීවේය.
” සර් .. මං SSC ගහන්න යන්නද ? “
බදුරලිය පිලේ ඒ වන විට බංකුවේ සිටි වැන්ඩාගේ ඒ කතාවට පුදුමයට පත් වූ මා ඇසුවේ
” කවුද කතා කළේ? “යනුවෙනි.
” අවිශ්ක සර්!”
ඒ වන විට SSC පිලේ පුහුණුකරු වූයේ අවිශ්ක ගුණවර්ධනයි.
එවෙලේම අවිශ්කට දුරකථන ඇමතුමක් ගත් මා මේ කතාව ඇත්තදැයි විමසුවෙමි.
” ඔව් අයියේ. මගේ ඔක්කොම ස්පිනස්ලා ටුවර් ගිහින්. වැන්ඩා හෙට ආවොත් මං ඊළඟ මැච් එකේ ගස්සනවා.!”
ක්රීඩක ලියාපදිංචිය අනුව එක් තරගයක් හෝ ක්රීඩා කර නැත්නම් වෙනත් ක්රීඩා සමාජයකට යාමට හැකියාව තිබුණු අතර ඒ සඳහා තමන් ලියාපදිංචි වී සිටින ක්රීඩා සමාජයෙන් මුදා හැරීමේ ලිපියක් ලබා දිය යුතුව තිබිණ.
ඊළඟ තරගය ගස්සවා වැන්ඩා මුළු තරගාවලියේම බදුරලියේ තබා ගන්නට තිබුණද ( අද බොහෝ ක්රීඩා සමාජ කරන්නේ එයයි) මා කළේ ඊලඟ මැච් එකට ගස්සනවා නම් මං වැන්ඩා එවන්නම් යයි අවිශ්කට කියා පසුදිනම වැන්ඩා SSC වෙත යැවීමයෙ.
බදුරලියේ ක්රිකට් ලේකම්වරයාද මා නිසා එදිනම මුදා හැරීමේ ලිපිය යැවීමට හැකි විය.
කියූ පරිදිම අවිශ්ක ඊළඟ තරගයේ වැන්ඩාව SSC කණ්ඩායමේ ක්රීඩා කරවූ අතර තම මුල්ම තරගයේ වැන්ඩා කඩුලු 7 ක් දවා ගත්තේ අප සියලු දෙනා මවිතයට පත් කරමිනි.
ධනන්ජය සිල්වා පාසලෙන් රැගෙන විත් බදුරලියේ ගස්වා ඔහු අද ශ්රී ලංකා පිලේ නායකත්වයද දරමින් ක්රීඩා කරනු බලා ලබන සතුටම කුහක නොවී වැන්ඩා බදුරලියෙන් SSC පිලට යවා ඉන් ලැබූ පන්නරයෙන් ශ්රී ලංකා පිලට පැමිණ ඔහු දැක්වූ දස්කම රූපවාහිනියෙන් නරඹා අත් කරගත්තෙමි.
මෙවැනිම සිද්ධියක් ලක්ෂාන් සඳකැන් අරභයාද සිදු විය. එයද වෙනම රසවත් කතාවකි.
