ඉඳුනිල් කහටපිටිය –
ව්යාජ මැණික්ගල් ලෙස අනුමාන කරන මැණික් ගල් 14ක් රුපියල් කෝටි 13 2/1 කට අළෙවි කිරීමට ගිය කාන්තාවක් ඇතුළු පුද්ගලයින් හය දෙනෙකු කටුගස්තොට පොලීසිය විසින් ඊයේ (24) පස්වරුවේ අත්අඩංගුවට ගෙන තිබේ.
සැකපිට අත්අඩංගුවට ගත් පිරිස අතර අඹුසැමි යුවලක් ද සිටින බවත්, ගාල්ල හිනිදුම හා කොළඹ පදිංචි මෙම සැකකරුවන් මැණික්ගල් රැගෙන මහනුවරට පැමිණ ඇත්තේ යතුරුපැදිවලින් බවත් විමර්ශනවලින් හෙළිදරවු වී යැයි පොලිසිය කියයි.
මැණික් ගල් දෙකක් සඳහා මැණික් හා ස්වරණාභරණ අධිකාරිය මගින් නිකුත් කළ සහතියක් ද සැකකරුවන් සතුව තිබී සොයා ගෙන ඇති අතර එය ද ව්යාජ ලෙස සකස් කළ එකක් බවට පොලීසිය සැක කරයි.
එම වාර්තාව ද අත් අඩංගුවට ගත් සියලුම මැණික් ගල් ද මැණික් හා ස්වර්ණාභරණ අධිකාරිය වෙත යොමුකර වාර්තාවක් ලබා ගැනීමට පොලීසිය කටයුතු කර තිබේ.
කටුගස්තොට පොලිසීයේ ස්ථානාධිපති ප්රධාන පොලිස් පරීක්ෂක අයි.ආර් රාජපක්ෂ ගේ උපදෙස් මත පරීක්ෂණ පැවැත්වෙයි.
