වත්මන් ජනාධිපති ධුර කාලය තුනෙන් දෙකේ බහුතරයකින් පමණක් දීර්ඝ කිරීමේ හැකියාව පිළිබඳව ජනාධිපති රනිල් වික්රමසිංහ තා නීතිපතිවරයාගේ මතය විමසීමට කටයුතු කරනු ඇතැයිද ඒ සඳහා විශාල සම්භාවිතාවක් ඇතැයි ද අභ්යන්තර දේශපාලන ආරංචි මාර්ග පවසයි.
මෙහිදී ජනාධිපතිවරයාගේ පාර්ශවය විසින් මතු කර ඇති තර්කය වන්නේ යහපාලන ආණ්ඩුව පැවති කාලයේ 19 වැනි සංශෝධනයෙන් ජනාධිපතිවරයාගේ වසර හයක ධුර කාලය වසර පහ දක්වා අඩු කළේ ජනමත විචාරණයකින් ජනතා අනුමැතියකින් තොරව බවත් ඒ පූර්වාදර්ශය මතම පිහිටා ධූර කාලය දීර්ඝ කරගත හැකි බවත්ය.
ඒ අනුව ඔවුන් තර්ක කර ඇත්තේ වසර හයකින් ඔබ්බට කාලය දීර්ඝ කිරීම සඳහා ජනමත විචාරණයක් පැවැත්විය යුතු නමුත් දැනට පවතින පස් අවුරුදු සීමාව ජනමත විචාරණයකින් තොරව තවත් වසරකින් දීර්ඝ කළ හැකි බවටය.
මැතිවරණ කල් දැමීමේ හැකියාව සහතික කිරීම සඳහා ආණ්ඩුක්රම ව්යවස්ථාවේ එවැනි ප්රතිපාදන ක්රියාත්මක කිරීමට උත්සාහ කළ හැකි බව ආණ්ඩුවේ අභ්යන්තර ආරංචි මාර්ග හෙළි දරව් කර ඇත.
