මනම්පිටිය නිමල් ජයරත්න –
වන අලියෙකු පහරදීමෙන් මියගිය වයෝවෘධ මවකගේ අවසන් කටයුතු සිදු කිරීමට රජය මගින් මූලිකව ලබාදෙන රුපියල් ලක්ෂයේ මුදල මාසයකට අධික කාලයක් ගතවුවද ලබානොදීම නිසා අවසන් කටයුතු සිදුකිරීමට සිදුවූ ණය මුදල ගෙවා ගැනීමට නොහැකිව අසරණ වී ඇති කාන්තාවක් පිළිබඳ දිඹුලාගලින් වාර්තා වේ.
මෙසේ අසරණ වී සිටින දිඹුලාගල යාය අට දේවගල පදිංචි හතළිස්නව වියති කේ.ජී ක්රිශාන්ති කුමාරි කීවේ සිය මව පසුගිය දෙසැම්බර් 14 වැනිදා වන අලි ප්රහාරයට ලක් වී මිය ගිය බවය. එසේ මිය ගොස් තිබුණේ හැත්තෑපස් වියති කේ.ජී අනුලාවතී නැමැති මාතාවකි. වන අලියා පහරදී දින තුනකට පසුව ඇයගේ නිවස අසලම තිබී සිරුර සොයා ගැනිණි.
වන අලියකු පහරදීමෙන් මියගිය අයෙකු වෙනුවෙන් රජය රුපියල් ලක්ෂ දහයක වන්දි මුදලක් ලබාදෙන අතර තම මව මියගිය පසු අදාළ වන්දි මුදල ලබාගැනීමට සියලු ලියකියැවිලි දිඹුලාගල ප්රාදේශීය ලේකම් කාර්යාලයට ලබා දී මාසකය කාලයක් ගතවුන ද දේහය පිළිබඳ අවසන් කටයුතු කර ගැනීම සඳහා නිදහස් කරන මූලික වන්දි මුදලවත් තවම ලබා ගැනීමට නොහැකි වූ බව ඇය කීවාය.
අදාල වන්දි මුදල ලබාගැනීම සඳහා විජයබාපුර ග්රාම නිලධාරීවරයා මගින් අයදුම්පත්රය සම්පූර්ණ කොට දිඹුලාගල ප්රාදේශීය ලේකම්වරයාට භාරදී තිබේ.
කේ.ජී. අනුලාවතී මාතාව වන අලි පහරදීමෙන් බහුවිධ ඇති වු තුවාල හේතුවෙන් මරණය සිදුවී ඇති බවට පොළොන්නරුව මහ රෝහලේ අධිකරණ වෛද්ය නිලධාරි ආර්.එම්.ඒ.එස්.බි.රත්නායක මහතා මරණ වාර්තාවේ සඳහන් කර ඇත.
තමයි මවගේ අවසන් කටයුතු සිදු කිරීමට තමන් විශාල වශයෙන් ණය වී ඇති බවත්, මෙම තත්ත්වය පිළිබඳ දිඹුලාගල ප්රාදේශීය ලේකම් වරයා දැනුවත් කලද මෙතෙක් මූලික ලක්ෂයේ වන්දි මුදල ලබා නොදීමෙන් තමන් ඇතුළු පවුලේ ඥාතීන් දැඩි අපහසුතාවයට පත්ව ඇති බවත් ක්රි කේ.ජී ෂාන්ති සඳහන් කළාය.
අප මේ පිළිබඳව දිඹුලාගල ප්රාදේශීය ලේකම් එස්.එම්.අල් අමීන්ගෙන් දුරකථනයෙන් කළ විමසීමකදී සඳහන් කළේ තමන් ඒ පිළිබඳ වහා සොයා බලන බවයි.
මේ පිළිබඳ වෙහෙරගල අඩවි ආරක්ෂක ඩබ්ලිව්.ජී.වීරසිංහගෙන් දුරකථනයෙන් කළ විමසීමකදී සඳහන් කළේ එම අසරණ පවුලට වන්දි මුදල ලබාගැනීමට සියලු ලියකියවිලි මීට මාසෙකට පෙර දිඹුලාගල ප්රාදේශීය ලේකම් කාර්යාලයට ලබාදුන් බවයි.
මේ පිළිබඳව සොයා බැලීමේදී අපට දැනගත හැකි වූයේ අදාල අංශයේ නිලධාරියෙකුගේ නොසැලකිලිමත්කම හේතුවෙන් රුපියල් ලක්ෂයේ මූලික වන්දි මුදල එම අසරණ පවුලට ලබාදීමට නොහැකි වී ඇති බවයි.
