ජූනි 18 වැනිදා ආරම්භවන 2023 එක් දින ලෝක කුසලාන ක්රිකට් තරගාවලියේ සුදුසුකම් ලබා ගැනීමේ තරගාවලියේ මූලික වටයේ තරගවලදී ශ්රී ලංකා කණ්ඩායම බී කාණ්ඩය යටතේ තරග වදින බව ජාත්යන්තර ක්රිකට් කවුන්සිලය අද (23) නිවේදනයක් නිකුත් කරමින් පැවසුවේය.
ශ්රී ලංකා කණ්ඩායමේ ප්රතිවාදීන් ලෙස අයර්ලන්තය, ස්කොට්ලන්තය, ඕමානය හා එක්සත් අරාබි එමීර් රාජ්යය තරග වැදීමට නියමිතය.
ඒ අනුව ශ්රී ලංකා කණ්ඩායම ජුනි 19 වැනිදා එක්සත් අරාබි එමීර් රාජ්යය සමඟ ද,23 වැනිදා ඕමානය සමග ද,2 5 වැනිදා අයර්ලන්තය සමගද 27 වැනිදා ස්කොට්ලන්තය සමග ද මුලික වටයේ දි තරග වදිනු ඇත.
ඒ කාණ්ඩය යටතේ සත්කාරක සිම්බාබ්වේ කණ්ඩායමත් නෙදර්ලන්තය, නේපාලය හා අමෙරිකා එක්සත් ජනපද කණ්ඩායම් තුනත් දෙවතාවක් ලෝක ශූරයින් වූ බටහිර ඉන්දීය කොදෙව් කණ්ඩායමත් තරග වදිති.
සෑම කණ්ඩායමක්ම මූලික වටයේ දී තරග 4 බැගින් ක්රීඩා කිරීමට නියමිත අතර, කාණ්ඩ දෙකේම පළමු ස්ථාන තුන හිමි කර ගන්නා කණ්ඩායම් 6 සුපිරි හය වටය සදහා සුදුසුකම් ලබති.
සුපිරි හය වටයේ දී සෑම කණ්ඩායමක්ම ප්රතිවිරුද්ධ කාණ්ඩයෙන් තේරී පත් වූ කණ්ඩායම් තුනට එරෙහිව තරග කිරීමට නියමිතය.
සුපිරි හය වටය අවසානයේ දී ප්රසාද ලකුණු සටහනේ පෙරමුණේ පසුවන කණ්ඩායම් දෙක තරගාවලියේ අවසන් මහා තරගයට හා ලෝක කුසලාන තරගාවලිය සඳහා සුදුසුකම් ලබති.
ජූනි 18 වැනිදා සිට ජූලි 9 වැනිදා දක්වා තරගාවලිය පැවැත්වේ.
