පුද්ගයින් දස දෙනෙක් ඝාතනය කර තවත් පුද්ගලයින් 10කට බරපතල තුවාල සිදුකල ලෝස් අන්ජලීස් හි මොනටෙරො පාර්ක් ඝාතකය 72 හැවිරිදි ආසියානු සම්භවයක් සහිත පුද්ගලයෙක් බව හෙළි වී ඇත.
චීන ජාතිකයින් විශාල සංඛ්යාවක් ජීවත්වන මොන්ටෙරො පාර්කහි චීන චන්ද්ර අලුත් අවුරුද්ද මුල් කරගෙන පැවති සාදයකට වැදී සිදුකළ මෙම වෙඩි තැබීම මුලු ලෝකයේම අවධානයට ලක් වූයේය.
පොලිසි ඔහුව ලුහුබැඳ ඔහු සැඟවි සිටි වැන් රථය වට කළ බවත් නිලධාරීන් වාහනය ළඟට යද්දී වෙඩි හඬක් ඇසුණු බවත් ලෝස් ඇන්ජලීස් ප්රාන්තයේ ෂෙරීෆ් රොබට් ලූනා පැවසුවේය.
ෂෙරීෆ් වරයාට අනුව සැකකරු වෙඩි තබාගෙන සිය දිවි හානි කරගෙන ඇත. අතිවූ තුවාල වලින් ඔහු එම ස්ථානයේම මිය ගොස් තිබේ.
සමූහ වෙඩි තැබීමේ සිද්ධියට වෙනත් සැකකරුවන් නොමැති බව තහවුරු කළ ෂෙරිෆ් ප්රහාරයට හේතුව මෙතෙක් අනාවරණය වී නොමැති බවද පැවසීය
නිලධාරීන් පවසා ඇත්තේ රහස් පරීක්ෂකයින් විසින් නිරීක්ෂණ වීඩියෝ සමාලෝචනය කරමින් සිටින බවය. සැකකරු කිසියම් කණ්ඩායමක් ඉලක්ක කර ගත්තේද යන්න තවමත් නොදන්නා බවද විමර්ශකයෝ කීහ.
සමූහ වෙඩි තැබීමෙන් විපතට පත් වූවන්ට ගෞරව දැක්වීම සඳහා පොදු ගොඩනැගිලිවල සියලුම එක්සත් ජනපද ධජ අඩකුඹු කරන ලෙස ජනාධිපති ජෝ බයිඩෙන් නියෝග කර ඇති බව ධවල මන්දිරය නිවේදනයක් නිකුත් කරමින් කියා සිටියේය.
මැයි මාසයේදී ටෙක්සාස් හි ප්රාථමික පාසලක වෙඩික්කරුවෙකු 22 දෙනෙකු මරා දැමීමෙන් පසු එක්සත් ජනපදයේ සිදු වූ මාරාන්තිකම වෙඩි තැබීම මෙයය. රට තුළ තුවක්කු ප්රචණ්ඩත්වය ඉහළ යාම සහ ගිනි අවි වෙත පහසුවෙන් ප්රවේශ වීම පිළිබඳව නැවතත් අවධානයට ලක්ව තිබේ.
Gun Violence Archive වෙබ් අඩවියට අනුව, පසුගිය වසරේ සමූහ වෙඩි තැබීමේ සිද්ධීන් 647ක් වාර්තා වී ඇත.
2022 දී එක්සත් ජනපදය පුරා 44,000 කට වැඩි පිරිසක් වෙඩි වැදීමෙන් මිය ගිය අතර ඉන් අඩකට වඩා සියදිවි නසාගැනීම්ය.