ප්රශ්නගත ඉන්දීය සහ චීන දේශසීමාවන් සම්බන්ධයෙන් දෙරටේ හමුදා අණ දෙන නිලධාරීන් විසින් ඉකුත්දා ඉහළ පෙළේ සාකච්ඡාවක් පවත්වනු ලැබීය.
ඉකුත් දෙසැම්බර් 9 වැනිදා ඉන්දියාවේ අරුණාචල් ප්රදේශ්හි ටවාන්ග් අංශයේ දී ඉන්දියානු සහ චීන හමුදා ගැටුම් ඇති කරගත් අතර එහිදී දෙරටේ පාලන ප්රදේශ සම්බන්ධයෙන් දැඩි අර්බුදකාරී තත්ත්වයක් ඇති විය.
ඒ අනුව මෙම සාකච්ඡා සම්බන්ධයෙන් ඒකාබද්ධ නිවේදනයක් නිකුත් කරමින් දෙරටේ හමුදා ප්රධානීන් පැවසුවේ ″සාකච්ඡා අවංක හා ගැඹුරු සහ ඉතිරි ගැටළු ඉක්මනින් විසඳීම සඳහා කටයුතු කිරීමට දෙරටේ නායකයින් විසින් සපයන ලද මාර්ගෝපදේශයට අනුකූල” බවයි.
මෙහිදී නැගෙනහිර ලඩාක් කළාපය පිළිබඳ සඳහන් කරමින් ප්රකාශ කර සිටියේ, “අතුරු කාලය තුළ, බටහිර අංශයේ භූමියේ ආරක්ෂාව සහ ස්ථාවරත්වය පවත්වා ගැනීමට දෙපාර්ශ්වය එකඟ විය,” යනුවෙනි.
පසුගිය කාලය පුරාවටම චීන හමුදාවන් විසින් ලඩාක් ආසන්නයේ සිය කඳවුරු පිහිටුවීමට පියවරගෙන තිබූ අතර එමගින් ඉන්දීය දේශසීමාවන්ට විශාල බලපෑමක් එල්ලවිය. මේත් සමග ඉන්දියාව සහ චීනය අතර උණුසුම් තත්ත්වයක් නිර්මාණය කිරීමටද සමත්විය.
මෙහිදී ඉන්දීය හමුදාවන් සහ චීන හමුදාවන් අතර ගැටුම් තත්ත්වයක් නිරමාණය වීමට පවා තත්ත්වය උණුසුම් වූ අතර එය පසුව සමථයකට පත්කරගැනීමට දෙරටේ ආරක්ෂක අංශ ප්රධානීන් පියවරගෙන තිබිණි.
කෙසේ වෙතත් මෙම තත්ත්වයක් සමග ඉන්දියාව සිය දේශ සීමාවන් හී ආරක්ෂාව තර කිරීමට පියවරගෙන තිබූ අතර එහිදී දේශ සීමාවන්ට ආසන්නයෙන් යුධ අභ්යස කිහිපියක් කිරීමටද පියවරගෙන තිබිණි. මීට අමතරව ඉදිරි සතියේදී ජපානය සමගද විශේෂ යුධ අභ්යාසකයක් කිරීමටද නියමිතය.
