සෙලින්කෝ සමූහ ව්යාපාරයේ හිටපු සභාපති ලලිත් කොතලාවල ගේ මරණයට හේතුව ලබන 11 වැනිදා ප්රකාශයට පත් කරන බව කොළඹ අතිරේක මහේස්ත්රාත් පසන් අමරසිංහ සඳහන් කළේය.
ලලිත් කොතලාවලගේ මරණ පරීක්ෂණ වාර්තාව ඉකුත් 22 වැනිදා අධිකරණයට භාරදී තිබිණී. මෙහි තීන්දුව ලබාදීම පසුගිය 28දා දිනට නියමව තිබුණද එම නියෝගය සකස් කර නොමැති බැවින් තීන්දුව ලබා දීම ලබන 11 වැනිදා තෙක් කල් තැබීමට අධිකරණය තීරණය කළේය.
මෙරට ප්රකට ව්යාපාරිකයකු වූ දේශමාන්ය ආචාර්ය ලලිත් කොතලාවල අභාවප්රාප්ත වූයේ ඉකුත් 2023 වසරේ ඔක්තෝබර් මස 21 වැනිදාය. කොළඹ පෞද්ගලික රෝහලක ප්රතිකාර ලබමින් සිටියදී ඔහු මිය යන විට 84 වියෙහි පසුවූයේ.
ලලිත් කොතලාවල මරණය සැක සහිත බවට ඔහුගේ බිරියගේ සහෝදරිය වන ෂෙරින් පේෂන් විජේරත්න යන අය බම්බලපිටිය පොලිසියට කළ පැමිණීල්ලකට අනුව මෙම නඩුව අධිකරණය හමුවේ කැඳවිණි.
