දිනසේන රතුගමගේ
ලන්ඩනයේ චිචෙස්ටර් (Chichester) නගරයේ ඩන්ක්ටන් ( Dunston ) ප්රදේශයේ ඊයේ (13) සිදු වූ රිය අනතුරකින් යාපනයේ පදිංචි එකම පවුලේ කාන්තාවන් තුන් දෙනෙකු මියගොස් තවත් හතර දෙනෙකු තුවාල ලබා ඇත.
තුවාල ලැබූවන් අතර සිටින තවත් කාන්තාවක් ඉතා බරපතල තත්ත්වයේ සිටින අතර ඇය මෝටර් රථය පදවා ගෙන ගිය කාන්තාව වෙයි.
මෙම අනතුර සිදුව ඇත්තේ මෝටර් රථයක් තවත් මෝටර් රථයක ගැටීමෙන් සිදු අනතුරකිනි.
ලන්ඩනයේ පදිංචි වී සිටින මියගිය අයගේ ඥාති පුතෙකු විසින් මියගිය පිරිස හදුනා ගෙන තිබේ.
ඔහු ප්රකාශ කොට ඇත්තේ විවාහ මංගල්යයක් සදහා පවුලේ උදවිය මෝටර් රථ දෙකකින් ගමන් කළ බවත් එම බී.එම්.ඩබ්ලිව් ( BMW ) වර්ගයේමෝටර් රථය වෙනත් මෝටර් රථයක ගැටීමෙන් අනතුර සිදුව ඇති බවත්ය.
මියගිය අයගේ මළ සිරුරු තුන යාපනයට රැගෙන ඒම සදහ ශ්රී ලංකාවේ මුදලින් කෝටි හතක් පමණ වැය වන නිසා අවසන් කටයුතු ලන්ඩනයේදී සිදි කිරීමට පවුලේ ඥාතීන් තීරණය කොට ඇති බවද ඔහු ප්රකාශ කොට තිබේ.
මියගොස් ඇත්තේ මව හා දියණියන් දෙදෙනෙකු වන අතර ඔවුන් වසරකට ඉහතදී යාපනයේ සිට කැනඩාවට ගොස් මීට දින කීපයකට ඉහතදී ලන්ඩනයට ගොස් ඇත්තේ විවාහ මංගල්ලයකට සහභාගී වීම පිණිසය.
චිචෙස්ටර් නගරයේ පොලීසිය මෙම අනතුර සම්බන්ධයෙන් පරීක්ෂණ ආරම්භ කොට තිබේ.
