නව සාමාන්යාධිකාරීවරයකු පත් කරනතෙක් පත් වූ ලංකා විදුලි බල මණ්ඩලයේ වැඩ බලන සාමාන්යාධිකාරී ආචාර්ය සුසන්ත පෙරේරා ඊයේ (21) කාර්යාලයට පැමිණ යුගදනවි නිව්ෆෝට්රස් ගනුදෙනුවට අදාළ රහසිගත ලියකියවිලි කිහිපයකට අත්සන් කළ බවත් අලුතින් ඉංජිනේරුවන් පනස් දෙනකු මණ්ඩලයට බඳවා ගැනීමට අදාළ ලේඛනයකට අත්සන් කළ බවත් තමන්ට දැන ගන්නට ඇතැයි ලංකා විදුලි බල මණ්ඩලයේ ඉංජිනේරු සංගමයේ පවසයි.
විදුලි බල මණ්ඩල පනතට අනුකූල නොවන අයුරින් සහ වැඩ බලන සාමන්යධිකාරීවරයකු පත් කිරීම සම්බන්ධයෙන් අභියාචනාධිකරණය ලබා දුන් උපදෙස්වලට අනුකූල නොවන අයුරින් තාවකාලිකව පත් කරන ලද මෙම සාමන්යාධිකාරීවරයා මේ අයුරින් සාමාන්යාධිකාරීවරයාගේ බලතල භාවිත කරමින් තීන්දු තීරණ ගැනීම ඔහුගේ පත්වීම නීත්යනුකූල බව තහවුරු කිරීමේ උපක්රමයක් බව එම සංගමය පවසයි.
ඊයේ දිනය තුළදීම මෙම සාමාන්යාධිකාරීවරයා මණ්ඩලයේ වාර්ෂික මාරුවීම් ලේඛනය සඳහාද සිය අත්සන යොදා ඇති බව සඳහන් වේ. ඔවුන් පෙන්වා දෙන්නේ මතභේදාත්මක යුගදනවි නිව් ෆෝට්රස් ගිවිසුමේ සාක්ෂිකරුවකු ලෙසින් ද ඔහු අත්සන් තබා ඇති පුද්ගලයකු වීමය.
මෙම ගිවිසුම අත්සන් කරන කාලයේ විදුලි බල අමාත්යංශයේ අතිරේක ලේකම්වරයකු ලෙස ඔහු කටයුතු කළ අතර කලක් ලංකා විදුලි බල මණ්ඩලයේ සේවය කොට වස අවුරුදු 60 ඉක්මවීමෙන් විශ්රාම ගිය පුද්ගලයෙකි.
විදුලි බල පනතට අනුව දැනට සාමාන්යාධිකාරී තනතුරට පත් කිරීමට වැඩිම සුදුසුකම් ලත් පුදගලයා ලෙස ඉංජිනේරු සංගමය පෙන්වා දෙන්නේ ආචාර්ය රොහාන්ත අබේසේකරයි. ඔහු දැනට අතිරේක සාමාන්යාධිකාරීවරයකු ලෙසින් කටයුතු කරයි.
ඊයේ (21) සවස හදිසි අධ්යක්ෂ මණ්ඩල රැසවීමක් කැඳවා තිබුණද මෙම රැස්වීම සඳහා ලංකා විදුලි බල මණ්ඩලයේ සභාපති එම්.සී ෆර්ඩිනැන්ඩු පැමිණ නැති අතර පවතින තත්ත්වය සහ විදුලි ඉංජිනේරුවන් විසින් සාමාන්යාධිකාරිවරයා පත් කිරීම සම්බන්ධයෙන් දැඩි විරෝධයක් පවතින පසුබිමක් තුළ ඒ පිළිබඳව නොසලකා විදුලි බල සභාපතිවරයා කටයුතු කර ඇති බව සඳහන් කරන එම සංගමය මේ තත්ත්වය මත ලබන සඳුදා සිට තම අකුරට වැඩ කිරීමේ වෘත්තීය පියවර දෙවන අදියර දක්වා ව්යාප්ත කරන බවට ඊයේ තීරණය කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ඒ අනුව ඔවුන් සඳුදා සිට ඉහළ කළමනාකාරීත්වය සමඟ රාජකාරී මට්ටමේ කිසිදු සම්බන්ධතාවක් නොපැවැත්වීමට කටයුතු කරන බව ඔවුහු සඳහන් කරති.
