දැවිතෙල් ලැබීම මත විදුලිය කැපීම තීරණය වෙන බව ලංකා විදුලිබල මණ්ඩලයේ වැඩබලන සාමාන්ය අධිකාරි ආචාර්ය සුසන්ත පෙරේරා සදහන් කරයි
දැවිතෙල් නොලැබීමත් සමග ලබන අගහරුවාදා සිට අවදානම් තත්ත්වයක් පැන නැගෙනු ඇතැයි සාමාන්ය අධිකාරිවරයා කියයි.
යම් හෙයකින් අඟහරුවාදා සිට විදුලිය කපන්නේ නම් ඒ පිළිබඳව ජනතාව කලින් දැනුවත් කරන බවත් ඔහු සහතික කරයි.
කැලණිතිස්ස බලාගාරය තුළ ඩීසල් ඇත්තේ දින පහමාරකට පමණක් වන අතර සපුගස්කන්ද බලාගාරය තුල අද දහවල් 12ට ඩීසල් අවසන් වූ බැවින්. දැනට එහි ධාරිතාවයක් නොමැති බවද හෙතෙම පවසයි.
“කෙසේ නමුත් අද සහ හෙට විදුලිය කැපීමක් සිදු වන්නේ නෑ. නමුත් සදුදා සිට දැවි තෙල් ..නොලැබුනොත් විදුලි කැපීමක් සිදුවිය හැකියි. “ සාමාන්යාධිකාරීවරයා පැවසීය.
විදුලිය කැපීමක් සිදුකරන්නේ නම් කලින් ජනතාව දැනුවත් කිරීමට බලාපොරොත්තු වන බවද සදහන් කරයි…
