රෝහලෙන් මෘත ශරීර නිදහස් කරන්න හදිසි මරණ පරීක්ෂක කාක්කන් ලක්ෂ ගණන් අල්ලස් අරන්… මිලියන ගණන් හම්බකළ මරණ පරීක්ෂක කාක්කෙක් නින්දිත ගනුදෙනු ජාලය ගැන සියල්ල වමාරයි!

දිනසේන රතුගමගේ –

එක් මරණ පරීක්ෂකවරයෙකුගේ ගිනුමේ පැහැදිලි කළ නොහැකි ලක්ෂ 25ක මුදලක්… යාපනයේ හැම මරණ පරීක්ෂකම මිනී නිදහස් කරන්න අල්ලස් ගන්න බව අත් අඩංගුවට පත් මරණ පරීක්ෂක හෙළි කරයි!

හදිසි මරණ පරික්ෂණයක් නොකර මෘත ශරිරයක් නිදහස් කරන්න ලක්ෂ ගණනින් අල්ලස් අරන්…

යාපනය ශීක්ෂණ රෝහලෙන් මෘත ශරීරයක් නිදහස් කිරීම පිණිස රුපියල් 50,000 ක් අල්ලසක් වශයෙන් ලබා ගත් නාගරික හදීසි මරණ පරීක්ෂකවරයෙකු යාපනය පොලීසියේ විශේෂ විමර්ශන ඒකකය විසින් ඊයේ (14 ) අත් අඩංගුවට ගෙන තිබේ.

ඔහුව අත් අඩංගුවට ගෙන ඇත්තේ මරණය සිදු වූ පුද්ගලයාගේ ඥාතීන් විසින් සිදු කරණ ලද පැමිණිල්ලකට අනුවය.

පසුව මෙම මරණ පරීක්ෂකවරයාගේ බැංකු ගිණුමක් පරීක්ෂා කළ අවස්ථාවේදී වංචනික ලෙස ලබා ගත් බවට සැක කෙරෙන හා සැකකරුට පැහැදිලිව ඔප්පු කිරීමට නොහැකි වූ රුපියල් ලක්ෂ 25 ක මුදලක් එම ගිණුමේ තිබී සොයා ගෙන ඇත.

මරණ පරීක්ෂකවරයාගේ ප්‍රකාශයන්ට අනුව හෙළි වී ඇත්තේ යාපනය ශීක්ෂණ රෝහලේ සේවය කරණ සියලුම මරණ පරීක්ෂකවරුන් මෘත ශරීර නිදහස් කිරීම පිණිස මුදල් ලබා ගන්නා බවය.

මෙම පුද්ගලයින් හදීසි මරණ පරීක්ෂණ නොපවත්වා මෘත ශරීර නිදහස් කිරීමට විශාල මුදලක් අය කර ගන්නා බවටත් පොලීසියට කරුණු අනාවාරණය වී තිබේ.

අත් අඩංගුවට ගත් යාපනයේ හදිසි මරණ පරීක්ෂකවරයා යාපනය අධිකරණය වෙත ඉදිරිපත් කිරීමට යාපනය පොලීසිය පියවර ගෙන තිබේ.