අසේල කුරුළුවංශ –
මහනුවරට ජාතික රෝහලේ ප්රතිකාර ලබමින් සිටින මව බැලීම සදහා පදවි ශ්රී පුර සිට බස් රථයකින් පැමිණෙමින් සිටි කාන්තාවක් හා හාද වී ආහාර සමඟ මත්ද්රව්යයක් ලබාදී ඇය සතු රුපියල් ලක්ෂ 10 ක් පමණ වටිනා රන් අභරණ සොරාගත් පුද්ගලයෙකු අත්අඩංගුවට ගැනීම සඳහා පොලීසිය පරීක්ෂණ පවත්වයි.
සිහිමුර්ජා තත්ත්වයෙන් ගලගෙදර රෝහලට ඇතුළත් කළ 45 හැවිරිදි කාන්තාව අධිකරණ වෛද්ය නිලධාරිවරයෙකු වෙත යොමුකර වාර්තාවක් ලබා ගැනීම සඳහා පේරාදෙණිය ශික්ෂණ රෝහලට මාරුකර යවා තිබේ.
මෙම කාන්තාව ගලගෙදර පදිංචි තම සහෝදරියගේ නිවසට ගොස් මව බැලීමට සැලසුම් කර බස් රථයෙන් කුරුණෑගලට පැමිණ සිටියදී මෙම සිද්ධියට මුහුණපා තිබේ.
පදවි ශ්රී පුර සිට පැමිණෙමින් තිබූ බස් රථයට අතරමගදී ගොඩවූ පුද්ගලයා තමන් අසළින් වාඩිවී ආගිය තොරතුරු විමසා එක් වරම ආසනය ළඟ වැටී තිබූ පෙන්ඩනයක් අහුලාගෙන එය තමන්ගේද යන්න විමසූ බවත් තමන්ගේ නොවන බව කී විට ඔහු එය විකුණා මුදල් බෙදාගමු යැයි යෝජනා කළ බවත් කාන්තාව පවසා ඇත.
දඹුල්ල දක්වා ටිකට් පතක් ලබාගෙන සිටි ඔහු පෙන්ඩනය විකුණා මුදල් බෙදා ගැනීමේ යෝජනාව කර කුරුණෑගල දක්වා තමන් සමඟ පැමිණි බවත් රන් අභරණ සාප්පුවකට ගොස් කළ විමසීමකදී රුපියල් 30000 ක මුදලක් එයට ලබාදිය හැකි බව ප්රකාශ කළ බවත් පවසා තිබේ.
ලොතරැයි ටිකට්පත් 05 ක් මිලට ගෙන තමන්ට ලබාදුන් අදාළ පුද්ගලයා පෙන්ඩනයද විකුණා මුදල් ලබා ගන්නා ලෙස පවසා එයද තමන්ට ලබාදුන් බවත් කාන්තාව වෛද්යවරයා කළ ප්රකාශයේ සඳහන්ව ඇත.
පසුව කුරණෑගල නරගයේ වෙළෙඳ සැලක් වෙත ගොස් එළවළු රෝටී හා දිවුල් බීම බෝතලයක් මිලට ගත් එම පුද්ගලයා තමන්ට ඒවා ලබාදුන් බවත් පසුව බස් රථයේ කොන්දොස්තරවරයා ගලගෙදරදී තමන්ට ඇහරවන තෙක් සිදුවූ කිසිවක් මතක නැති බවත් ඇය පවසා තිබේ.
රන් මාලය හා පෙන්ඩනයත් වලලක් හා රන් මුදුවත් සමඟ ගමන් බෑගයේ තිබූ රුපියල් 2000 ක මුදලත් අදාළ පුද්ගලයා විකුණා මුදල් ලබා ගන්නා ලෙස ප්රකාශ කරමින් ලබාදුන් පෙන්ඩනයද ඔහු රැගෙන ගොස් තිබෙන බව කාන්තාව පොලීසියට පවසා ඇත.
පේරාදෙණිය ශික්ෂණ රෝහලේ රෝහල් පොලීසිය මගින් සිද්ධිය සම්බන්ධයෙන් පොලීසියට දැනුම් දී තිබෙන අතර මේ වනවිට ඒ සම්බන්ධයෙන් වැඩිදුර විමර්ශන සිදු කෙරෙයි.
