-
ක්ලීන් ශ්රී ලංකා ඇත්තක් නම් ජනපති තුමනි… අගමැති තුමියනි… පොල්හේන ක්රිකට් ව්යාපෘතියට අවධානය යොමු කරන්න… මහානාම ඉල්ලයි!
කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති විසින් ශ්රී ලංකා ක්රිකට් ආයතනය සමග ආරම්භ කිරීමට සැලසුම් කරන පොල්හේන ජාත්යාන්තර ක්රිකට් ක්රීඩාංගනය සහ පුහුණු ඇකඩමියට සම්බන්ධ මෙගා ව්යාපෘතිය පසුපස ඇති අරමුණු සහ අභිප්රායන් ප්රශ්න කළ යුතු බවත්, නිවැරදි අරමුණ ප්රමුඛස්ථානයේ තබා “ක්ලීන් ශ්රී ලංකා” මූලධර්ම අනුගමනය කරන බව සහතික කිරීම සඳහා මෙම ව්යාපෘතිය වත්මන් ජනාධිපතිවරයාගේ සහ අගමැතිවරියගේ අවධානයට ලක්විය යුතු යැයි තමන් විශ්වාස කරන බවත් ශ්රී ලංකාවෙන් බිහි වූ අති විශිෂ්ට ක්රීඩකයෙක්, ජාත්යාන්තර තරග තීරක වරයෙක් මෙන්ම වත්මන් ජාතික ක්රීඩා කමිටුවේ සාමාජිකයෙක් මෙන්ම ඍජු ප්රතිපත්තියක් සහිත අවංක මහත්මයෙක් ලෙස සමාජ සම්භාවනාවට පාත්ර වී සිටින රොෂාන් මහානාම පවසයි.
ඔහු සිය මුහුණු පොතේ ලියා දන්වන්නේ අපේ ජාතිය නව මිල අධික ක්රිකට් ක්රීඩාංගන ඉදිකිරීම සඳහා ජාතියේ වටිනා අරමුදල් භාවිතා නොකළ යුතු බවය.
පළමු පෙළ සිට පාසල් මට්ටම දක්වා, විශේෂයෙන් දකුණු කලාපයේ මොරටුවේ සිට හම්බන්තොට දක්වා රට පුරා පැතිරී ඇති ක්රීඩාංගණ ඒකාබද්ධ ජාතික සැලැස්මක් යටතේ දියුණු කිරීමට කැපවීම මේ මොහොතේ කළ යුතු වැදගත්ම කටයුත්ත බවත් තෝරාගත් ක්රීඩාංගනවල පහසුකම් පූරණය කර ඊළඟ මට්ටමට ඔසවා තැබීමටත් දරුවන්ගේ නිවසට/පාසලට සමීපව පිහිටි ක්රීඩාංගනවලට අවශ්ය පහසුකම් සපයා එම දරුවන්ගේ පුහුණුවීම් විධිමත්කර කුසලතා වර්ධනය කර ගත හැකි මට්ටමකට සංවර්ධනය කිරීමටත්, අරමුණු අපැහැදිලි මෙවැනි මෙගා ව්යාපෘති සඳහා යෝජනා කර ඇති අරමුදල් භාවිතය කිරීමේ ප්රායෝගික ඵලදායීතාවය මහානාම විස්තර කරයි.
ඔහු කියන්නේ එවැනි ප්රායෝගික වැඩ පිළිවෙළක් දියත් කළහොත් නිසැකවම අති විශාල කුසලතා සංචිතයක් නිර්මාණය කරගැනීමේ ජාතික ප්රතිලාභය ලබා ගත හැකි බවය. ඉන් වසර ගණනාවක් ජාතියට වඩාත් තිරසාර බලපෑමක් ඇතිවන ආකාරයත් මහානාම අවධාරණය කරයි.
ඔහු පවසන්නේ මෙම නව මෙගා සංවර්ධනයන් පිටුපස ඇති අභිප්රායන් සහ අරමුණ පරීක්ෂා කර ප්රශ්න කළ යුතු බවය. මක් නිසාද යත් එම ව්යාපෘති බිහි වන්නේ අංකුර කුසලතා වර්ධනය කෙරෙහි හෝ ආයෝජන මූල්යමය වටිනාකම එහි පිරිවැයට සාපේක්ෂව කරන වලංගු ගණනය කිරීමට අදාල පිරිවැය-ප්රතිලාභ විශ්ලේෂණයක් අනුගමනය නොකර බවය. ඒ අකාරයේ ව්යාපෘති ක්රියාත්මක කරන්නන්ට ආවේණික අවශ්යතා තිබිය හැකි බවද මහානාම ප්රකාශ කරයි.
“නිවැරදි අරමුණ ප්රමුඛස්ථානයේ තබා පිරිසිදු ශ්රී ලංකාවේ මූලධර්ම අනුගමනය කරන බව සහතික කිරීම සඳහා මෙය වත්මන් ජනාධිපතිවරයාගේ සහ අගමැතිවරියගේ අවධානයට ලක්විය යුතු කාරණයක් බව මම විශ්වාස කරමි. ” මහානාම අවසාන වශයෙන් සටහන් කර තිබේ. මේ දැක්වෙන්නේ මහානාම සිය මුහුණු පොතේ තැබූ සටහනය.
හඳුන්නෙත්තිගේ මේ ක්රිකට් විගඩම ක්රීඩා ක්ෂේත්රයේ ප්රමාණිකයින් විශාල පිරිසකගේ බරපතල ප්රශ්න කිරීමකට ලක් වී තිබිණි. සූරියවැව ජාත්යාන්තර ක්රීඩාංගනය මැච් නැතිව වේලෙද්දී, උයන්වත්ත වැනි ක්රීඩාංගන සංවර්ධනය කරගෙන ජාතික තලය දක්වා ඔසවා තැබිය හැකිව තිබෙද්දී, ඔහු පොල්හේනේ ජාත්යාන්තර ක්රිකට් ඇකඩමි හදන්නට යෝජනා කරන්නේ ක්රීඩා ඇමතිවරයාවත් දැනුම්වත් නොකර බවට ප්රකාශ විය.
එමෙන්ම අන්ත දූෂිතයින් බවට තමන් විසින්ම හෙළි කළ පුද්ගල කණඩායමක් සමග එක්ව රටට අවශ්ය නොවන ව්යාපෘතියක් සිය දේශපාලන වැඩසටහනක් ලෙස ක්රියාත්මක කිරීමට යන හඳුන්නෙත්ති ඉතිහාසයේ කුණු කූඩයට වැටුණ අනෙක් සෑම දේශපාලඥයෙක්ම තෝරාගත් පාර තෝරා ගැනීම ඓතිහාසික ඛේදවාචකයක් බව ක්ෂේත්රයේ ප්රාමාණික පිරිස් ලංකාසර සමග අදහස් දක්වමින් පැවසූහ.
මේ ලිපියත් බලන්න…
