රුසියාව සිය නවතම මිසයිල අත්හදා බැලීම යටතේ කක්ෂගත කර තිබූ එරට චන්ද්රිකාවක් සාර්ථකව විනාශ කිරීමත් සමඟ ඇමරිකාව ප්රමුඛ බටහිර රටවල් කැළඹීමට පත්ව ඇත.
ඒ අනුව මෙම මිසයිල අත්හදා බැලීම ඉතා භයානක සහ වගකීම් විරහිත ක්රියාවක් බවත් මිසයිල ප්රහාරයෙන් විනාශ වූ චන්ද්රිකාවේ සුන්බුන් ජාත්යන්තර අභ්යාවකාශ මධ්යස්ථානයට හානි සිදු කළ හැකි බවට ඇමරිකා එක්සත් ජනපදය ප්රකාශ කර තිබේ.
මිසයිල අත්හදා බැලීමත් සමඟ ජාත්යන්තර අභ්යාවකාශ මධ්යස්ථානයේ රැදී සිටි ගගනගාමීන් හත්දෙනාට වහාම ආරක්ෂිත පියවර අනුගමනය කරමින් හිදිසි අවස්ථාවකදී යලි පෘථිවියට පැමිණීමට හැකිවෙන ලෙස සකස් කළ කුටි වල රුදී සිටින ලෙසට උපදෙස් දුන් බව නාසා ආයතනය ප්රකාශ කරයි.
කෙසේ වෙතත් මේ සම්බන්ධයෙන් රුසියාව ප්රකාශ කර ඇත්තේ තමන් ඉතා සාර්ථකව මිසයිල අත්හදා බැලීම සිදු කළ බවත් ඇමරිකා ප්රමුඛ බටහිර රටවල් එල්ල කරන ප්රකාශ පදනම් විරහිත බවයි.
රුසියානු ආරක්ෂ අමාත්යංශය ප්රකාශ කර ඇත්තේ මිසයිල අත්හදා බැලීමෙන් ජාත්යන්තර අභ්යාවකාශ මධ්යස්ථානයට කිසිඳු බලපෑමක් එල්ල වී නොමැති බවත් ඇමරිකානු රජය ඒ පිළිබඳ හොදින්ම දැනුම්වත්ව සිටි බවයි.
පසුගිය කාලයේදී ඇමරිකානු එක්සත් ජනපදය, චීනය, ඉන්දියාව මීට සමානම අත්හදා බැලීම් සිදු කළ බවත් ඇමරිකාව සිය අභ්යාවකාශ බලකාය 2020 වර්ෂයේ ආරම්භ කිරීමත් සමඟ සිය ආරක්ෂක හැකියාවන් වාර්ධනය කරගැනීමට නිරාසයෙන්ම බලකර බවත් රුසියාව පෙන්වාදෙයි.
මේ අතර රුසියාව විසින් වැඩි දුරටත් පෙන්වාදෙන්නේ තමන් අභ්යාවකාශ වෙත ප්රහාර එල්ලකළ හැකි අවි අත්හදා බැලීම නවතා දමන ලෙස එක්සත් ජාතීන්ගේ සංවිධානයෙන් ඉල්ලා සිටියත් ඇමරිකාව ප්රමුඛ බටහිර රටවල් එම ඉල්ලීම වැලැක්වූ බවයි.
