රුසියාවේ යුක්රේනය ආක්රමණයට සහය දැක්වීමට ප්රතිචාර ලෙස දකුණු කොරියාව බෙලරුසියාවට එරෙහිව අපනයන පාලනයක් පනවනු ඇති බව එරට විදේශ අමාත්යාංශය අද (6) ප්රකාශ කළේය.
රුසියානු යුක්රේන යුද්ධයේ වැඩිම අවාදනමක් සහිත ශ්රී ලාංකික කණ්ඩායම රැඳී සිටින්නේ බෙලරූස්වලය. ඔවුන් වෛද්ය විද්යාව හා වෛද්ය තාක්ෂණ විෂයයන් හදාරන 1600කට වැඩි ශිෂ්ය ප්රජාවකි.
මීට පෙර බෙලරූස්වලට එරෙහිව යුරෝපා සංගමය, ඇමරිකා එක්සත් ජනපදය, එක්සත් රාජධානිය විසින් සම්බාධක පනවනු ලැබුවේය.
දකුණු කොරියාව අද ප්රකාශිත අපනයන පාලනය පනවනු ලබනු ඇත්තේ මීට පෙර මොස්කව් වෙත පනවන ලද ආකාරයටම බව විදේශ අමාත්යාංශය ප්රවෘත්ති නිවේදනයක් නිකුත් කරමින් කියා සිටියේය.
පෙබරවාරි මාසයේදී දකුණු කොරියාව රුසියාවට උපාය මාර්ගික භාණ්ඩ අපනයනය කිරීම අවහිර කළේය.
“අපේ රජය … බෙලරුසියාවට එරෙහිව අපනයන පාලනය ක්රියාත්මක කිරීමට අද තීරණය කළේ බෙලරුසියානු රජය යුක්රේනය ආක්රමණය කිරීමට රුසියාවට ප්රායෝගිකව සහාය දෙන බවට වන තීන්දුව යටතේ” යැයි අමාත්යාංශය පැවසීය.
(සී.එන්.එන්)
