පාර්ලිමේන්තු මන්ත්රී නාමල් රාජපක්ෂ ප්රකාශ කරන ආකාරයට ගෝඨාභය රාජපක්ෂ සහ මහින්ද රාජපක්ෂගෙන් බලය ඩැහැ ගෙන රනිල් වික්රමසිංහ බලයට පත්කිරීම සඳහා කුමන්ත්රණයක් රට තුළ සිදු වූ බවත් ඉදිරියේදී කුමන්ත්රණකරුවන් ජාතියට හෙළිදරව් කරන බවත් ශ්රී ලංකා පොදුජන පෙරමුණේ ප්රබලයින්වන ජොන්ස්ටන් ප්රනාන්දු, මහින්දානන්ද අලුත්ගමගේ ඇතුළු මන්ත්රීවරුන් කිහිප දෙනෙකුම කියා සිටියහ.
නාමල් රාජපක්ෂ සජීවී ෆේස්බුක් සාකච්ඡාවකට එක් වෙමින් පවසා තිබුණේ අරගලයට සම්බන්ධ වූ සෑම පුද්ගලයෙක්ම තුන්වන පාර්ශවයක කුමන්ත්රණයක අතකොළුවක් වූ බවය.
ඔහු ප්රකාශ කළේ පසුව එය ජනතාවට වැටහෙනු ඇති බවය.
“ගෝටා ගෝ හෝම් “ කිව්වම ජනාධිපති ධූරයට එන්නේ අගමැතිවරයා. ඒකයි ගෝඨාභය ඉල්ලා අස්වෙන්න කලින් මහින්ද රාජපක්ෂට අයින් වෙන්න කියලා බලපෑම් කළේ. උද්ඝෝෂණයට නායකත්වය දුන් අය කවදාවත් නිර්පාක්ෂික නැහැ. ඒ අය දැනගෙන හිටියා ගෝඨාභය රාජපක්ෂ මහතා ඉවත් වූ විට මීළඟ ජනාධිපතිවරයා මහින්ද රාජපක්ෂ මහතා බව. ඒ නිසා ඔවුන් උපක්රමශීලීව මහින්ද රාජපක්ෂ ඉවත් කර අවසානයේ ඊළඟ අගමැතිවරයා ජනාධිපති කළා. “
ඔහු හෙළි කළේය.
