උද්ඝෝෂණයේ නිරත පිරිසකට රඹුක්කන දී ඊයේ සවස සිදු කළ වෙඩි තැබීමට සම්බන්ධ වී ඇත්තේ මෙම ස්ථානයට කෑගල්ල ජ්යෙෂ්ඨ පොලිස් අධිකාරීවරයා සමඟ ගිනි අවි රැගෙන පැමිණි සය පුද්ගල පොලිස් කණ්ඩායමේ සිටි සිව් දෙනකු විසින් බවට මේ වනවිට අනාවරණය වී ඇතැයි පොලිස් ආරංචි මාර්ග පවසයි.
කෑගල්ල ජ්යෙෂ්ඨ පොලිස් අධිකාරී කීර්තිරත්න සමඟ ගිනි අවි ගත් නිලධාරීන් සය දෙනකු පැමිණ ඇති අතර ඔවුන් අතරින් සිව් දෙනකුගේ ටී 56 අනි අවි ක්රියාත්මක වී ඇති බවත් එම ගිනි අවි හතරෙන් උණ්ඩ 30කට ආසන්න ප්රමාණයක් පිට වී ඇති බවත හෙළිදරව් වී තිබේ.
මෙම ගිනි අවි මේ වනවිට විමර්ශන අංශ භාරයට ගෙන ඇති බව එම පොලිස් ආරංචි මාර්ග සඳහන් කරයි.
මෙම උද්ඝෝෂණය පාලනය කිරීම සඳහා පොලිස් විශේෂ කාර්ය සාධක බලකාය පවා කැඳවා තිබණද ඔවුන්ද ඒ සඳහා ගිනි අවි රැගෙනවිත් නොමැති අතර ගිනි අවි රැගෙන පැමිණ ඇත්තේ ඉහත කී පොලිස් නිලධාරීන් සය දෙනා පමණක් බවද ආරංචි මාර්ග පවසයි.
Army has been called to control the situation in #Rambukkana, reports Hiru #LKA #SriLanka.pic.twitter.com/85OkmdIKAY
— Sri Lanka Tweet 🇱🇰 (@SriLankaTweet) April 19, 2022
ඉන්ධන නොමැති වීම සහ ඉන්ධන මිල වැඩි කිරීමට එරෙහිව ඊයේ අලුයම් කාලයේ සිට රඹුක්කනට ඇතුළුවන සියලු පිවිසුම් මාර්ග අවහිර කරමින් ජනතාව උද්ඝෝෂණය කර ඇති අතර දුම්රිය මාර්ගය අවහිර වීම ඉවත් කර ගැනීම සඳහා කඳුළු ගෑස් භාවිත කර ජනතාව විසිරුවන ලෙසට ඉහළ පොලිස් නිලධාරීන් වෙතින් නියෝග ලබා දී තිබියදී මෙම වෙඩි කැබීම සිදුව ඇති බව සඳහන් වේ.
මේ වනවිට මෙම වෙඩි තැබීමෙන් එක් පුද්ගලයකු මිය ගොස් ඇති අතර තවත් පුද්ගලකු දැඩි අසාධ්ය තත්ත්වයේ පසුවේ.
තවත් පුද්ගලයන් සිව් දෙනකු ගේ තත්ත්වය බරපතල බව රෝහල් ආරංචි මාර්ග සඳහන් කරයි.
