රඹුක්කන ඝාතන සිද්ධියට අණ දුන්නේ එම ස්ථානයේ සිටි රාජ්ය ලාංඡනයක් සහ තරු දෙකක් පැළඳ සිටි නිලධාරියෙක් බවත් එයින් පසුව පොලිස් නිලධාරීන් පන්න පන්නා වෙඩි තැබූ බවත් අද කෑගල්ල අධිකරණ හමුවේ සාක්ෂි ලබාදෙමින් රඹුක්කන වෙඩි තැබීමේ සිද්ධිය ඇසින් දුටු සාක්ෂිකරුවෙක් පැවසීය.
Videos starting to come in from #Rambukkana! pic.twitter.com/q5W9kmk04p
— Avin (@avincodes) April 19, 2022
මෙම සාක්ෂිකරු එසේ පැවසුවේ විරෝධතාවය අතරතුර පොලිස් වෙඩි පහරින් මියගිය දෙදරු පියෙකු වූ චමින්ද ලක්ෂාන් (41) ගේ මරණය සම්බන්ධව පැවති මහේස්ත්රාත් පරීක්ෂණය අද (21) රඹුක්කන මහේස්ත්රාත් වාසනා නවරත්න ඉදිරියේ පැවැත්වූ අවස්ථාවේදීය.
මහේස්ත්රාත් පරීක්ෂණයේදී නිතිපතිවරයා නියෝජනය කරමින් ජ්යෙෂ්ඨ නියෝජ්ය සොලිසිටර් ජනරාල් ශනිල් කුලරත්න සහ අගතියට පත් පාර්ශ්වය වෙනුවෙන් ජනාධිපති නිතීඥවරුන් වන සරත් ජයමාන්න, රියෙන්සි අර්සකුලරත්න, උපුල් ජයසූරිය, මෛත්රී ගුණරත්න සමග නිතීඥ තේජිත කෝරලගේ, නිතීඥ චමින්ද අතුකෝරාල ප්රමුඛ නිතීඥ මඩුල්ලක් අධිකරණය හමුවේ පෙනී සිටියහ. විශේෂත්වය වන්නේ වින්දිතයා වෙනුවෙන් මේ ලංකාවේ ප්රවීණතම නීතිඥ මණ්ඩලය ඉදිරිපත් වූයේ ස්වේච්ඡාවෙන් වීමය.
එම මරණ පරීක්ෂණයේදී සාක්ෂි දුන් දෙවැනි සාක්ෂිකරු අදිකරණය හමුවේ මෙසේ කීවේය.
“දවල් 2ට විතර මම තෙල් ගහන්න ගියා. ඒ වෙලාවේ තෙල් ඇවිල්ලා තිබුණේ නැහැ. එතැන උද්ඝෝෂණයක් තිබුණා. මමත් ඒකට සහභාගී වූණා. උද්ඝෝෂණ කළ පිරිස හිටියේ බවුසර් දෙක තිබුණ තැන. පොලීසිය මුලින් හිටියේ කෑගල්ල පාරේ එක පැත්තකට වෙන්න වගේ. ඊට ඉස්සරහින් පොලිස් නිලධාරීන් තුන් දෙනෙක් ත්රීවිල් එකකට මුවා වෙලා වගේ හිටියා. මම හිටියේ උද්ඝෝෂණ කරුවොයි පොලීසියයි අතර මැද.
ත්රීවිල් රථයකට මුවා වෙලා හිටි පොලිස් නිලධාරීන් තුන්දෙනෙක් සහ රාජ්ය ලාංජනයයි තරු දෙකකුයි කරේ පැළගෙන හිටි ජ්යෙෂ්ඨ නිලධාරියෙකුයි එතන හිටියා. ටික වෙලාවකින් සිවිල් ඇඳගත්තු තුන්දෙනෙක් එතැනට ආවා. ඒ අය කවුද කියලා මම දන්නේ නැහැ. ඒ තුන්දෙනා පොලීසිය හිටපු පැත්තට ගල්වලින් ගැහුවා. එතකොටම අර ජ්යෙෂ්ඨ නිලධාරියා ‘කදුළු ගෑස් ගහන්න. ගහන්න” කියලා. ඊට පස්සේ ත්රිවිල් එකට මුවා වෙලා වගේ හිටපු පොලිස් නිලධාරීන් තුන් දෙනා කඳුළු ගෑස් ගැහුවා.
එතකොටම ජ්යෙෂ්ඨ නිලධාරියා කිව්වා ‘මේක හරියන්නේ නැහැ ඕකුන් වෙඩි තියලා මරපන්’ කියලා. එතකොටම පොලීසිය වෙඩි තිබ්බා. මම දිව්වේ මඩවල පාර දිගේ. මා එක්ක තවත් කට්ටිය ගොඩක් දිව්වා. පොලීසිය අපි පිටිපස්සේ පන්න පන්නා වෙඩි තිබ්බා. පොලීසිය වෙඩි තිබ්බේ දුවන අපිට. මම දුවලා ගිහින් පන්සලක් ඇතුළට ගිහින් නතරවුණා.”
මෙම මහෙස්ත්රාත් පරීක්ෂණයේදී නඩුවේ පළමු සාක්ෂිකරුත් මියගිය පුද්ගලයාගේ බිරියත් සාක්ෂි ලබා දුන්හ.
මරණ පරීක්ෂණ සාක්ෂිවලින් අනතුරු අධිකරණය සිද්ධිය වූ ස්ථානයේ රස පරීක්ෂක වාර්තාව කඩිනමින් අධිකරණයට ඉදිරිපත් කරන ලෙස රජයේ රස පරීක්ෂකවරයාට නියෝගයක් නිකුත් කරමින් සඳහන් කළේ
මෙම සිද්ධියේ මරණපරීක්ෂණය හෙට (22) යළිත් කැදවීමට නියමිතය.
