මෙරට අපනයන කරුවන්ට දැඩි බලපැමක් ඇති කරන ආකාරයේ තීන්දුවක් මේ වනවිට ජාත්යාන්තර නෞකා සමාගම් විසින් ගෙන ඇති බවත්, මේ වනවිට රතු මුහුදේ බැම් එල් මැන්ඩෙබ් සමුද්ර සන්ධිය ආසන්නයේ දී සිදුවන හුති කැරලිකරුවන්ගේ ත්රස්තවාදි ක්රියාවන් හේතුවෙන් එම කලාපයෙන් ගමන් ගන්නා වානිජ නෞකා සිය ගාස්තු සියයට 300කින් පමණ ඉහළ දමා ඇති බවත් මෙරට අපනයනකරුවෝ පවසති.
පවතින තත්ත්වය මත ශ්රි ලංකාවෙන් රතු මුහුද හරහා ප්රවාහනය කෙරෙන අපනයන භාණ්ඩ අඩි 20ක කන්ටේනරයක් සඳහා අය කෙරෙන ඇමෙරිකානු ඩොලර් 600ක පමණ ගාස්තුව ඇමෙරිකානු ඩොලර් 1500කින් පමණ වැඩි වී ඇතැයි ඔවුහු පෙන්වා දෙති.
මේ තත්ත්වයට හේතු වී ඇත්තේ රතු මුහුදේ ක්රියාත්මක වන යේමනයේ හුති කැරලිකරුවන් ඊශ්රාලය ඉලක්ක කරගෙන යන නැව්වලට ප්රහාර එල්ල කිරීමයි.
පසුගියදා මේ ආකාරයෙන් ඔවුන් වාණිජ නෞකාවක් සිය ග්රහණයටද ගත් අතර මේ තත්ත්වය හේතුවෙන් ඇතැම් නැව් සමාගම් මෙම මාර්ගය අතහැර වෙනත් විකල්ප මාර්ගවලින් ගමන් කිරීමට පිළිබඳව අවධානය යොමු කර තිබේ.
එහිදීද ශ්රි ලංකාවේ අපනයනකරුවන්ට වැඩිපුර ගාස්තුවක් ගෙවීමට සිදුවනු ඇති බවද මෙම අපනයනකරුවෝ ප්රකාශ කර සිටිති
