රට නිවැරදි මාවතට ගැනීමට මහජන නියෝජිතයන් ක්රියා නොකළහොත් පරිපාලන නිලධාරීන් ඊට වඩා ඉදිරි පියවරක් ගැනීමට කිසිසේත් පසුබට නොවන බව ශ්රි ලංකා පරිපාලන නිලධාරීන්ගේ සංගමයේ සභාපති රෝහණ ද සිල්වා පවසයි.
දැනට නිර්මාණය වී ඇති තත්ත්වය පසුබිමේ පරිපාලන නිලධාරීන්ට එවැනි පියවරක් ගැනීමට අවශ්ය කරුණු යෙදී ඇති බවද පවසන ඔහු මහජන නියෝජිතයන් කරන වැරදි හමුවේ විරුද්ධ වීමේ අයිතියක් පරිපාලන නිලධාරීන්ට සහ රාජ්ය නිලධාරීන්ට පවතින බවද අවධාරණය කළේය.
හිරු නාළිකාව සමඟ කෙටි සම්මුඛ සාකච්ඡාවක් පවත්වමින් රෝහණ ද සිල්වා ප්රකාශ කළේ දේශපාලකයන් හොරකම් කිරීමේදී නිලධාරීන් විරුද්ධ නොවන අවස්ථා පැවැති අතර ඒ පිළිබඳව ස්වයං විවේචනයක් පරිපාලන නිලධාරීන්ගේ සංගමයට පවතින බවය.
එසේ වුවද ඉදිරියේදී එම තත්ත්වය මඟ හැරීමට කටයුතු කරන බවද රෝහණ ද සිල්වා මෙහිදී ප්රකාශ කළේය.
“ඇතැම් ඉහළ නිලධාරීන් හොරම්වලට සම්බන්ධ වෙලා දඩුවම් විඳලා යළිත් සේවයට පැමිණ සිටිනවා. අඩුම තරමේ ඔවුන්ගේ සාමාජිකත්වය අත්හිටුවීමටවත් සංගමයක් ලෙස අපට කරන්න බැරිවීම ගැනත් අප තුළ විවේචනයක් තිනෙවා. එහෙම කළා නම් හොඳයි කියල.“
“ඒත් එක්කම විශ්රාම ගිය පරිපාලන නිලධාරීන් තවදුරටත් රජයේ ඉහළ තනතුරුවලට පත් කරනවා. අපි හිතුවේ නෑ මේ ජනාධිපතිතුමා එහෙම කරයි කියල. නමුත් මුදල් අමාත්යංශයේ හිටපු ලේකම්වරයා ජනාධිපති ලේකම් ලෙස ඔහු පත් කරනවා. මේවා අපි අපේක්ෂා නොකළ දේවල්. ඉදිරියේදී මේ දේවල් වෙනස් කිරීමට සංගමයක් සේ ක්රියා කරනවා. මහජන නියෝජිතයන් රට නිවැරදි මාවතට ගැනීමට ක්රියා නොකළහොත් ඔවුන්ට වඩා ඉදිරි පියවරකට අපි යනවා.“ යයි ද පැවසීය.
