පසුගිය කාලයේදී රටේ පැවති ආර්ථික අර්බුදයට රජයේ වෛද්ය නිලධාරින්ගේ සංගමය ද කොටස් කරුවන් ලෙස වගකිව යුතු යැයි සංගමයේ හිටපු සභාපති විශේෂඥ වෛද්ය දර්ශන සිරිසේන පවසයි.
පසුගිය දා පැවති දැනුම්වත් කිරීම් හමුවක දී හිටපු සභාපතිවරයා කීවේ රජයේ වෛද්ය නිලධාරීන්ගේ සංගමය ස්වකීය වගකීම සහ නිසි බරින් නොගෙන කෘෂිකර්මය ඇතුළු විවිධ ක්ෂේත්රයන්ට මැදිහත් වෙමින් පැවති ව්යාකූල තත්ත්වය බරපතල කළ බවය.
විශේෂඥ වෛද්ය දර්ශන සිරිසේන මේ වනවිට රජයේ වෛද්ය නිලධාරීන්ගේ සංගමයේ පැවති ස්වරූපය සහ වගවීම සම්බන්ධව විවේචනාත්මක දර්ශනයක් සහිතව සංගමයේ සභාපතිත්තවය නැවත අපේක්ෂා කරමින් ඇත.
දැනට සංගමයේ සභාපති ළමා රෝග විශේෂඥ වෛද්ය සංජීව තෙන්නකෝන් ද පැවතුන සම්ප්රදායික වෘත්තීය රාමුව ආරක්ෂා කරගැනීම වෙනුවෙන් සංගමයේ බලය අත් පත් කරගැනීමට තරග වැදීමට නියමිතව සිටී.
ඒ අනුව ජූනි 28 වැනිදාට යෙදී ඇති රජයේ වෛද්ය නිලධාරීන්ගේ සංගමයේ නිලවරණයට ඔවුන් දෙදෙනා තරග වදින අතර ඉන් අයෙක් සංගමයේ ඉදිරිය මෙහෙයවීම සඳහා ඉදිරිපත් වීමට නියමිතය.
කෙසේ වෙතත් රජයේ වෛද්ය නිලධාරීන්ගේ සංගමයේ අභ්යන්තර ආරංචි මාර්ග පවසන්නේ විශේෂඥ වෛද්ය සංජීව තෙන්නකෝන්ගේ කණ්ඩායම මෙන්ම විශේෂඥ වෛද්ය දර්ශන සිරිසේනගේ කණ්ඩායම එකිනෙකාට එරෙහි මඩ ව්යාපෘති ද මේ වනවිට අභ්යන්තරයේ දියත් කරමින් සිටින බවය.
සාමාන්ය දේශපාලනයේ දී මෙන්ම පිල් දෙකේ සිටින ප්රබලයින් පිල් මාරු කිරීම, සෞඛ්ය ලේකම්වරයා පවා ගෙන්වා ගෙන භෝජන සංග්රහ පැවැත්වීම, පවා සංවිධානය වන තැනට වැඩේ පත්වී ඇතැයි වෛද්යවරු පවසති.
