ශ්රියානි විජේසිංහ –
රාජ්ය ව්යවසායකයින් විසින් රාජ්ය බැංකු ද්විත්වයක් වන ලංකා බැංකුව සහ මහජන බැංකුව වෙතින් ලබා ගෙන තිබෙන ණය මුදල් සහ පොලිය වහාම පියවා මෙම රාජ්ය බැකු දෙක ආරක්ෂා කර ගැනීමට කටයුතු කරන්නැයි වගකිවයුතු සියලුම පාර්ශ්ව වලට බල කරන බවට ලංකා බැංකු සේවක සංගමය අවධාරනය කරයි.
එසේම මේ වන විට මෙම බැංකු දෙක දුර්වල කිරීමට දියත්කර ඇති කුමන්ත්රණය වහාම හඳුනාගෙන එය පරාජය කිරීමට එක්වන්නැයි ද සමස්ත ජනතාවගෙන් සංගමය විශේෂ ඉල්ලීමක්ද කරයි.
රාජ්ය ව්යවසායකයින් විසින් ලංකා බැංකුව හා මහජන බැංකුවට නොගෙවා පැහැර හැර තිබු ණය ප්රමාණය රුපියල් බිලියන 1800ක් පමණ වූ අතර එමගින් බැංකු ද්විත්වයට එල්ල වී ඇති පීඩනය වත්මන් ආණ්ඩුව පවා පිළිගෙන ඇති බව සංගමයේ ප්රධාන ලේකම් රන්ජන් සේනානායක පවසා සිටියි.
ඛනිජ තෙල් නීතිගත සංස්ථාව බැංකු දෙකට නොගෙවා පැහැර හැර තිබූ ණය මුදල භාණ්ඩාගාරය වෙත පවරාගනිමින් සංස්ථාව ණය බරින් නිදහස් කළබවත් සංස්ථාව මේ වන විට ලාභ ලබමින් පසුවුවද රාජ්ය බැංකුවලින් ලබා ගත් ණය පියවීමට මෙතෙක් මහාභාණ්ඩාගාය හෝ සංස්ථාව කටයුතු කර නොමැති බවත් හෙතෙම පෙන්වාදේ.
ණය නොගෙවීම පමණක් නොව බැංකු දෙක විසින් එම ණය මුදල සඳහා 2024 පලමු කාර්තුව තුළ ලැබිය යුතු පොලී ආදායම කපා හැරීමට මහබැංකුව වීසින් රාජ්ය බැංකු දෙක වෙත දැඩි ලෙස උපදෙස් ලබා දී ඇතැයිද ප්රධාන ලේකම්වරයා පවසා සිටියි.
වැරදි කළමණාකරන තීන්දු තුළින් ඛනිජතෙල් නීතිගත සංස්ථාවට ලබා දුන් ණය හේතුවෙන් රාජ්ය බැංකු තුළ නිර්මාණය වූ ණය බරින් බැංකු නිදහස් කරනවා වෙනුවට එම බර බැංකු මත පැටවීම එම බැංකුවල සැබෑ අයිතිකරුවන් වන ජනතාවට එරෙහිව කරනු ලබන සාහාසික අපරාධයක් බව පෙන්වාදේ.
මෙලෙස අත්තනෝමතික ආකාරය තීන්දු ගනිමින් රාජ්ය බැංකුවල ලාභයට හා ප්රාග්ධනයට පහර එල්ල කර ඒවා අවසන් වශයෙන් රාජ්ය අයිතියෙන් බැහැර කරවීමේ කුමන්ත්රණයකට කවුරුන් හෝ උත්සහ කරන්නේ නම් ඒ සියලුම දෙනා හෙළිදරව් කරමින් මෙම බැංකු ද්විතිවය ආරක්ෂා කිරිමට සංගමයක් ලෙස පසුබට නොවන බවද ඔවුහු පවසා සිටිති.
එසේම රාජ්ය බැංකු දුර්වල කිරිමට දියත් කර ඇති කුමන්ත්රණය හදුනාගෙන ඒය පරාජය කිරිමට අත්වැල් බැඳගන්නා ලෙස ජනතාවගෙන් ලංකා බැංකු සේවක සංගමය ඉල්ලිමක් කරයි.
