රටේ තෙල් අර්බුදයක් නොතිබුණු බවත් තෙල් අර්බුදයක් නිර්මාණය කළේ අවබෝධයක් හෝ පරිනතියක් නැති දේශපාලනය විසින් සිදුකළ ප්රකාශ බවත් අගමැති මහින්ද රාජපක්ෂ අද පැවසුවේය.
නොතිබුණු තෙල් අර්බුදය බලශක්ති ඇමතිවරයා විසින් මැවූ හැටි අග්රාමාත්යවරයා පැහැදිලි කළේ මෙසේය…
අගමැතිවරයා මෙසේත් කීවේය.
තෙල් අර්බුදයක් ගැන කතා වුනා. ඇත්තවශයෙන්ම තෙල් අර්බුදයක් තිබුණෙ නෑ. නැව් ගෙන්නලා තිබුණා. තෙල් ටික නැවෙන් බාන එක විතරයි කරන්න තිබුණේ.
අපේ යුගවල සමහර විට පැය විසි හතරයි තෙල් තිබුණේ. යම් යම් වැරදි ප්රකාශ නිසා දවස් හතරයි තියෙන්නෙ, දවස් තුනයි තියෙන්නෙ කියනකොට මිනිස්සු කලබල වෙනවා.
එවැනි අවස්ථාවල දි යම් යම් ප්රකාශ කරනවිට තමයි මිනිස්සු අනවශ්ය විදිහට බියවෙලා පෝලිම් හැදුනෙ. දේශපාලන වශයෙන් අවබෝධයක් නොමැතිකම හෝ පළපුරුද්දක් නොමැතිකම තුළින් ඇතිවෙච්චි දේවල් මේවා.
නමුත් ඒ තත්වය අද වෙනස් වෙනස් වෙලා තියනවා. අද වනවිට ගෝඨාභය රාජපක්ෂ මැතිතුමා බොහොම පැහැදිලිව තමන්ගෙ අදහස් ප්රකාශ කරමින් තමන්ගෙ රට සංවර්ධනය කරන්න පියවර අරගෙන තියනවා.
;
