කීර්ති ප්රනාන්දු –
ලාංකේය මල්ලවපොර ඉතිහාසය වෙනස් කරමින් පොදු රාජ්ය මණ්ඩලීය ක්රීඩා උළෙලේදී පදක්කමක් දිනා ගත් ශ්රී ලාංකික ක්රීඩිකා නෙත්මි අහිංසා පෝරුතොට අද අළුයම දිවයිනට පැමිණියාය.
කිලෝ ග්රැම් 57 බර පංතිය යටතේ තරග වැදුන 18 හැවිරිදි පාසල් සිසුවියක් වූ අහිංසා එම ඉසව්වේ ලෝකඩ පදක්කම දිනාගත්තාය. එය ලංකා මල්ලවපොර ඉතිහාසයේ පොදුරාජ්ය මණ්ඩලීය ක්රීඩා උළෙලක පදක්කමක් දිනාගත් පළමු අවස්ථාවය.
ඇය අද දින අලුයම 03.50 ට අබුඩාබි නුවර සිට පැමිණි ඉටිහාඩ් ගුවන් සේවයේ ඊ.වයි.- 264 දරන ගුවන් යානයෙන් කටුනායක ගුවන් තොටුපළ වෙත පැමිණ සිටියාය .
ඇය කටුනායක ගුවන් තොටුපළ විශේෂ අමුත්තන්ගේ මැදිරිය වෙත කැඳවා විශේෂ පිළිගැනීමකට ලක් කර තිබිණි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
එම අවස්ථාවට ඇයගේ පියා , මව , නැගණිය ඇතුළු කණ්ඩායමක් ද ක්රීඩා අමාත්යාංශයේ අධ්යක්ෂ ජනරාල් අමල් එදිරිසූරිය ශ්රී ලංකා මල්ලවපොර ක්රීඩා සම්මේලනයේ සභාපතිවරයා ඇතුළු පිරිසක් පැමිණ සිටියහ.
