ශ්රියානි විජේසිංහ
ගංවතුර අවදානම පහව යාමත් සමඟ මී උණ රෝග වසංගතයක් ලෙස රටපුරා පැතිර යාමේ බරපතල අවදානමක් පවතින බව මහජන සෞඛ්ය පරික්ෂකවරුන්ගේ සංගමය අනතුරු අගවා සිටියි.
ප්රදේශ කීපයකට පමණක් සීමා වී තිබු මී උණ රෝගය ගංවතුර අවදානමත් සමඟ රටපුරා පැතිර යාමේ අවදානමක් මතුව ඇති බව හෙතෙම පෙන්වාදේ.
නිවාස පිරිසිදු කර ගැනීමට , කාණුපද්ධති පිරිසිදු කිරීම, වගාවන් බිම සහ කුඹුරු වල කටයුතු සඳහා යෑමට ප්රථම මී උණ රෝගය වලක්වා ගැනීම සඳහා ලබා දෙන Doxycycline ඖෂධය මිලිග්රෑම් 200ක් ලබා ගැනීමට අනිවාර්යයෙන්ම කටයුතු කරන්නැයි මහජන සෞඛ්ය පරික්ෂකවරුන්ගේ සංගමයේ ලේකම් චමිල් එස් මුතුකුඩ මහතා ජනතාවගෙන් ඉල්ලිමක් කරයි.
සතියකට වරක් Doxycycline මිලිග්රූම් 100 පෙති දෙකක් ලබා ගැනීමෙන් මී උණ රෝගයෙන් ආරක්ෂාව සලස ගත හැකි බවද හෙතෙම පෙන්වාදේ.
තදබල ස්නායු ආබධයන් නොමැති අය සහ වයස අවුරුදු 12ට අඩු දරුවන්ට හැර අන් සෑම කෙනෙකුටම මෙය සුදුසු බවත් ඔබට වැඩිදුර තොරතුරු අවශ්ය නම් ප්රදේශයේ මහජන සෞඛ්ය පරික්ෂකවරයාගෙන් හෝ ප්රදේශයේ ප්රධාන වෛද්ය නිලධාරිවරයාගෙන් ලබා ගත හැකි බවද සඳහන් කරයි.
