රටට එන සංචාරකයින් සම්බන්ධ පූර්ණ විමසිලිමත් වී ආරක්ෂාව තහවුරු කිරීමේ ක්රමවේදයක් ලෙස විශේෂ යෙදවුමක් හඳුන්වා දීමට රජය ඉදිරියේ දී කටයුතු කරන බව කැබිනට් මාධ්ය ප්රකාශක විජිත හේරත් පැවසුවේය.
මේ වනවිට රටට ඇතුළුවන විට විදේශිකයින් විසින් ගුවනතොටුපලේ දී පුරවන සරළ පෝරමය පවා පුරවන්නේ නැති බවත්, මේ තත්ත්වය තුළ ඔවුන් සම්බන්ධ දත්ත ලබා ගැනීමේ මූලික සරල ප්රවේශයත් නොලැබී ඇති බවත් මාධ්ය විසින් කළ ප්රශ්නකිරීමකට පිළිතුරු දෙමින් අමාත්යවරයා මේ බව හෙළි කළේ අද කැබිනට් තීරණ දැනුම් දීමේ මාධ්ය හමුවේදී ය.
හඳුන්වා දීමට නියමිතය යෙදවුම හරහා විදේශිකයින් ප්රධාන වශයෙන්ම ලංකාවේ රැඳි සිටින ස්ථාන හඳුනා ගැනීමට කටයුතු කරන බවත්, යම් කිසි සිද්ධියක දී ඔවුන් වෙත පහසුවෙන් ප්රවේශ වීමේ අවකාශය ඉන් ලබා ගත හැකි බවත් ඇමතිවරයා පැවසුවේය.
දැනට තිබෙන තත්ත්වය තුළ යම් විශේෂ අවස්ථාවකදී මැදිහත්වීමට ආගමන විගමන නිලධාරීන් ද අඩු බව පැවසූ කැබිනට් මාධ්ය ප්රකාශකවරයා කීවේ මේ වනවිට ආගමන විගමන පාලකවරයා ඉන්නේත් හිරේ විලංගුවේ වැටී බවය.
ආගමන විගමන පාලකවරයාගේ කටයුතු කරගෙ යන්නේ වැඩ ආවරණය කිරීමට පත් කරගත් නිලධාරියෙක් හරහා බවද ඔහු පෙන්වා දුන්නේය.
