ශ්රියානි විජේසිංහ –
රෝහල් 200කට අධික සංඛ්යාවක ප්රමාණයක වැඩ බලන රෝහල් අධ්යක්ෂකවරුන් සේවය කිරීම හේතුවෙන් රෝහල් පරිපාලන කටයුතු පවත්වාගෙන යාම දුෂ්කර වී ඇතැයි සෞඛ්ය අමාත්යාංශය අභ්යන්තර ආරංචි මාර්ග සඳහන් කරයි.
සෞඛ්ය අමාත්යාංශයේ සහ රාජ්ය සේවා කොම්ෂන් සභාව මගින් ශික්ෂණ රෝහල්, පළාත් සහ දිස්ත්රික් රෝහල්, හා මූලික රෝහල් සඳහා ස්ථීර රෝහල් අධ්යක්ෂකවරුන් පත් කිරීම දිගින් දිගටම ප්රමාද වීම මෙයට හේතු වී ඇතැයි එම ආරංචි මාර්ග වැඩිදුරටත් පෙන්වාදේ.
ජ්යෙෂ්ඨ රෝහල් පරිපාලන තනතුරු සඳහා සම්මුඛ පරීක්ෂණ කැඳවන ලද නමුත් නීතිමය ප්රශ්නයක් මත එම පත්වීම් ලබාදීම සීමා වී ඇති බවද පැවසේ.
මේ හේතුවෙන් දැනට සෞඛ්ය අමාත්යාංශය ඉහළ තනතුරු දරන රෝහල් අධ්යක්ෂකවරුන් කිහිප දෙනෙකු තම නිල තනතුරට අමතරව තවත් ස්ථාන කිහිපයක රාජකාර කිරීම නිසා එම ආයතන රැසකම වැඩ කටයුතු අඩාල වී ඇති බව වාර්තාවේ.
කනිෂ්ඨ රෝහල් අධ්යක්ෂ තනතුර සඳහාද පසුගියදා සම්මුඛ පරීක්ෂණපවත්වන ලද නමුත් එම තනතුරු ලබාදීමද මේ වන විට දින නියමයක් නොමැතිව ප්රමාද වී ඇත.
රෝහල් අධ්යක්ෂකවරුන් නොමැති රෝහල්වල වෙනත් විශේෂඥ වෛද්යවරුන් පරිපාලන තනතුරු දැරීම හේතුවෙන් එම රෝහල්වල අදාළ වෛද්යවරුන්ගේ සායනික කටයුතු පවා අඩපණව ඇති බව වලස්මුල්ල සහ තංගල්ල ඇතුළු රෝහල්වලින් වාර්තා වී ඇතැයි අමාත්යංශය ආරංචි මාර්ග වැඩිදුරටත් පෙන්වාදේ.
සෞඛ්ය අමාත්යාංශය තුළදීල තනතුරු රැසක් මේ වන විට හිස්ව පවතින අතර වැඩ බලන වෛද්යවරුන් එම තනතුර රාජකාරි කිරීම් නිසා සේවා ලබා ගන්නා සාමාන්ය මහජනතාව හා සෞඛ්ය සේවකයන් දැඩි ලෙස පීඩාවට පත්වන බව සඳහන්ය.
