පිහිටුවීමට යෝජිත සර්වපාක්ෂික ආණ්ඩුවේ අග්රාමාත්ය ධුරය ලබා ගැනීම සඳහා දේශපාලන පක්ෂ අතර කණගාටුදායක පොරයක් ආරම්භ වී ඇති අයුරු දේශපාලන ආරංචි මාර්ග හෙළි කරයි.
සර්ව පාක්ෂික ආණ්ඩුවේ අගමැති ධුරයට පත් වීමට පුද්ගලයින් 07 දෙනෙක් දැඩි බලාපොරොත්තු සහිතව සිටීම හේතුවෙන් මෙම තත්ත්වය ඇති වී තිබේ.
සජිත් ප්රේමදාස, රනිල් වික්රමසිංහ, මෛත්රීපාල සිරිසේන, ඩලස් අලහප්පෙරුම, සරත් ෆොන්සේකා, විමල් වීවරංශ සහ කුමාර වෙල්ගම අගමැති ධුරය ලබා ගැනීමට සූදානමින් සිටින බව ඔවුන් විසින්ම ඉඟි පල කර ඇතැයි අභ්යන්තර ආරංචි මාර්ග කියයි.
මේ අතර ඔවුන් නියෝජනය කරන දේශපාලන පක්ෂ සහ හිතවතුන් තම හිතවතා වෙත භාරකාර රජයේ අගමැතිධුරය ලබා දීමට ප්රචාණ ව්යාපෘති දියත් කරමින් සිටින බව ද හෙළිදරව් වී තිබේ.
කෙසේ වෙතත් මෙම පක්ෂවල සිටින මධ්යස්ථ මත දරන අයගේ අදහස වී ඇත්තේ රට ගිනිගෙන ඇති මේ අවස්ථාවේ දී තනතුරු පොරයේ එල්ලී නොසිට පොදු වැඩපිළිවෙළකින් රට ගොඩදැමීම සඳහා කටයුතු කළ යුතු බවය.
